സ്പെഷ്യൽ കറസ്‌പോണ്ടന്റ്

നമുക്ക് ഓസ്ട്രേലിയൻ കംഗാരുക്കളുമായി ഞങ്ങളുടെ സ്പെഷ്യൽ കറസ്പോണ്ടന്റ് നടത്തുന്ന അഭിമുഖം കാണാം...

- ഹരീഷ് ആർ. നമ്പൂതിരിപ്പാട്

നമസ്കാരം ഞാൻ മുകിലേഷ് ഷേർവൺ..

പ്രധാന വാർത്തകൾ,

അഖിലാണ്ഡമണ്ഡലം അണിയിച്ചൊരുക്കിയ സർവ്വവിജ്ഞാനകോശങ്ങളുടെ നാട്ടിൽ നിന്ന് മസ്തിഷ്ക പ്രക്ഷാളനം ചെയ്ത് ലഭിച്ച പ്രത്യേക വാർത്തകൾ.

പെരിയാർ വന്യജീവി സങ്കേതത്തിൽ അരിക്കൊമ്പൻ സുരക്ഷിതനായിരിക്കുന്നു. രാവിലെ ആഹാരവും മരുന്നും കഴിച്ചതായിട്ടാണ് ഞങ്ങളുടെ റിപ്പോർട്ടർ അറിയിക്കുന്നത്. പെരിയാർ വന്യജീവി സങ്കേതത്തിലെ ഉൾക്കാട്ടിൽ നിന്ന് ഈയാഴ്ചത്തെ താരമായ അരിക്കൊമ്പനുമായി ഞങ്ങളുടെ സ്പെഷ്യൽ കറസ്പോണ്ടന്റ് മിസ് കബോധിയ ഷവർമ നടത്തുന്ന പ്രത്യേക തൽസമയ അഭിമുഖവും ഇപ്പോൾ നിങ്ങൾക്ക് കാണാം. കബോ കബോ കേൾക്കുന്നുണ്ടോ.

ഉണ്ട്...ഷേർവൺ..

എനിക്ക് കേൾക്കാം.

ഇപ്പോൾ എന്താണ് അവിടുത്തെ സ്ഥിതി. അരിക്കൊമ്പനെ കാണാൻ കഴിഞ്ഞോ..? "ഞാൻ അരിക്കൊമ്പൻ നിൽക്കുന്നതിന് തൊട്ടടുത്തുള്ള ഒരു മരത്തിനു മുകളിലാണ്. തൊട്ടപ്പുറത്ത് മറ്റൊരു മരത്തിൽ ക്യാമറാമാൻ അനികേത് മതികെട്ടാൻ മലയുമുണ്ട്.

ഇപ്പോൾ മിസ്റ്റർ ആർ റ്റി അഥവാ റൈസ് ടസ്കർ ഞങ്ങളുടെ അടുത്തേക്ക് വരുന്നുണ്ട്.

മിസ്റ്റർ റൈസ്..