പ്രയാസ ലോകം

പ്രയാസലോകം പരിപാടിയിലേയ്ക്ക് എല്ലാ മാന്യ പ്രേക്ഷകർക്കും സ്വാഗതം...

- പി. ആർ.കൃഷ്ണൻകുട്ടി

പ്രയാസലോകം പരിപാടിയിലേയ്ക്ക് എല്ലാ മാന്യ പ്രേക്ഷകർക്കും സ്വാഗതം...

"മോഹങ്ങളുടെ ഭാണ്ഡവും പേറി ഗൾഫിൽ എത്തിച്ചേർന്ന് ചതിയുടേയും പട്ടിണിയുടേയും അഗാധഗർത്തങ്ങളിലേയ്ക്ക് പതിച്ച അനേകം പ്രവാസികളെ സഹായിക്കാൻ പ്രയാസ ലോകം പരിപാടിയിലൂടെ ഞങ്ങൾക്ക് കഴിഞ്ഞിട്ടുണ്ട്...

വലിയ സ്വപ്നങ്ങളുമായി പ്രവാസലോകത്ത് എത്തിച്ചേർന്ന് ജോലി നഷ്ടപ്പെട്ട് നാട്ടിലെത്താൻ സാധിക്കാതെ ഗൾഫിലെവിടെയോ കുടുങ്ങിപ്പോയ ഒരു ഭർത്താവിനെ അന്വേഷിച്ചിറങ്ങിയ ഭാര്യയെയാണ് ഇന്ന് പ്രയാസലോകത്തിൽ ഞങ്ങൾ പരിചയപ്പെടുത്തുന്നത്... അവരെ ഏതു വിധത്തിൽ പ്രയാസലോകത്തിന് സഹായിക്കാനാകുമെന്ന് നമുക്ക് "പ്രയാസലോകത്തിലേയ്ക്ക്....

"അപ്പോ... നമുക്ക് ഭർത്താവിനെക്കുറിച്ചുള്ള വിവരങ്ങൾ നോക്കാം....

ഭാര്യയോട് തന്നെ ചോദിച്ചറിയാം.....

“എന്താ നിങ്ങടെ പേര് ‘ആമിന

“എന്താ ഭർത്താവിന്റെ പേര്?'

“അഹമ്മദ്

"ഭർത്താവിന്റെ വിവരങ്ങളൊന്നും കിട്ടാതായിട്ട് ഇപ്പോ എത്ര നാളായി...

“ഇപ്പ്. ആറു മാസം കയിഞ്ഞീന്

"എന്താ അഹമ്മദിന് ഗൾഫിൽ പണി?

 ഒരു കൺസഷൻ കമ്പനില് തൊഴിലാളിയായീനു..

അവസാനമായി നിങ്ങൾ അയാളുമായി സംസാരിച്ചതെന്നാണ് ?..

' ഇപ്പ... നാലഞ്ച് മാസം കയിഞ്ഞ്ന് "

അന്ന് അയാൾ എന്താണ് നിങ്ങളോട് പറഞ്ഞത് ?

"ഇക്കാക്ക് പണി പോയീന്.. നാട്ടിലേക്ക് ബരാൻ ബിമാനക്കൂലി ഇല്ല.... അയിന് പണം കടം ബാങ്ങി ആണേലും അയച്ചു കൊടുക്കണംന്ന് " പറഞ്ഞീനു

 "അപ്പോൾ.. നിങ്ങൾ തടസ്സം എന്തെങ്കിലും പറഞ്ഞോ ?