આજે શિક્ષક દિન રાષ્ટ્રપતિ મુર્મુ દ્વારા ૪૬ શિક્ષકોને રાષ્ટ્રીય પુરસ્કાર એનાયત, PM સાંજે વાત કરશે

નેશનલ એવોર્ડમાં બે દિવ્યાંગ શિક્ષક પણ સામેલ

નવી દિલ્હી, સોમવાર

શિક્ષક દિવસના વિશેષ અવસર પર રાષ્ટ્રપતિ દ્રૌપદી મુર્મુએ આજે સવારે વિજ્ઞાન ભવનમાં ૪૬ શિક્ષકને ૨૦૨૨ માટે નેશનલ એવોર્ડ એનાયત કર્યા હતા. આ ૪૬ શિક્ષકની પસંદગી વિવિધ રાજ્યોમાંથી કરવામાં આવી છે. આ સન્માનમાં બે દિવ્યાંગ શિક્ષક પણ સામેલ છે. પીએમઓ તરફથી એવી જાણકારી આપવામાં આવી છે કે આ નેશનલ એવોર્ડ વિજેતા શિક્ષકો સાથે સાંજે ૪.૩૦ વાગ્યે પીએમ મોદી તેમના આવાસ પર વાતચીત કરશે.