દુનિયાભરમાં વોટ્સએપ, ઈન્સ્ટાગ્રામ અને ફેસબુક અચાનક ડાઉનઃ મેટા-ઝકરબર્ગ જોરદાર ટ્રોલ થયા

મેટાનું સર્વર ડાઉન થતાં વૈશ્વિક સ્તરે લોકો પરેશાન

મેટાનાં ત્રણ મોટાં સોશિયલ મીડિયા પ્લેટફોર્મ વોટ્સએપ, ઇન્સ્ટાગ્રામ અને ફેસબુક ગઈ કાલે રાતે અચાનક ડાઉન થઈ ગયાં હતાં. આ આઉટેજે વિશ્વભરના લાખો વપરાશકર્તાઓને અસર કરી હતી. ભારતમાં આ સમસ્યા ગઈ કાલે રાતે ૧૧ વાગ્યાથી શરૂ થઈ હતી. વોટ્સએપ પર મેસેજ મોલવામાં અને રિસીવ કરવામાં તકલીફ પડતી હતી. ઇન્સ્ટાગ્રામ અને ફેસબુક પર ફીડ અપલોડ કરવાનું મુશ્કેલ બન્યું હતું. થ્રેડ્સ એપ પણ આઉટેજથી પ્રભાવિત થઈ હતી. લગભગ બે કલાક સુધી આ સ્થિતિ યથાવત્ રહી, જેના કારણે વપરાશકર્તાઓને ભારે અસુવિધાનો સામનો કરવો પડ્યો હતો. વોટ્સએપ ડાઉન, ઈન્સ્ટાગ્રામ ડાઉન અને ફેસબુક ડાઉન જેવાં હેશટેગ્સ ટ્રેન્ડ થવા લાગ્યાં. યુઝર્સે ફની મીમ્સ, વીડિયો અને કોમેન્ટ્સ દ્વારા મેટા અને ઝકરબર્ગને ટ્રોલ કર્યા. આ ટ્રેન્ડ થોડા જ ક્લાકોમાં વૈશ્વિક સ્તરે વાઈરલ થઈ ગયો.