പഞ്ചുരുളി തുളുമണ്ണിലുറയുന്ന ദൈവം

തുളുനാട്ടിൽനിന്ന് മലയിറങ്ങിവന്ന ദൈവമത്ര പഞ്ചുരുളി. വന്യമായ രീതിയിൽ പകർന്നാടുന്ന ഈ ഭൂതക്കാലം ദേശത്തിന്റെ വ്യാകുലതകൾക്ക് അറുതിവരുത്തുമെന്നാണ് വിശ്വാസം. മിത്തുകളും ഐതിഹ്യവും ഉറങ്ങുന്ന തുളുനാടൻ മണ്ണിലൂടെ...

- ARUN P GOPI

പാവൂർ കോടി തറവാട്ടിൽ മരിച്ച ചിലരുടെ ആത്മാക്കൾ മോക്ഷമില്ലാതെ അലയുന്നുവെന്ന് പഞ്ചുരുളിയുടെ അരുളപ്പാടുണ്ടായി. താംബൂലപ്രശ്നത്തിൽ ഭൂതക്കോലം പറഞ്ഞത് ശരിയാണെന്ന് പ്രശ്നക്കാരനും വിധിച്ചു. പഞ്ചുരുളിയുടെ കൈവശം ആത്മാക്കളുണ്ട്, അവയെ കുടിയിരുത്തണം. കുടുംബത്തിന് അഭിവൃദ്ധിയുണ്ടാകണം. അതിന് നൂറ്റാണ്ടുകൾ പഴക്കമുള്ള ഗോത്രസംസ്കാരത്തിന്റെ പാരമ്പര്യം പേറുന്ന ഭൂതക്കോലങ്ങൾ പഞ്ചുരുളിയും കല്ലുരുട്ടിയും ഗുളികനുമെല്ലാമായി തുളുനാടിന്റെ മായി പ്രപഞ്ചത്തിൽ ഒളിമങ്ങാതെ ഇന്നും കെട്ടിയാടുന്നു. ഭൂതക്കോലം കെട്ടിയാടുന്ന നിമിഷത്തിൽ യഥാർഥ ദൈവാത്മാവ് കോലധാരിയിലേക്ക് ആവാഹിക്കപ്പെടുമെന്നും അപ്പോൾ അവർക്ക് ഭാവി പ്രവചിക്കാൻ കഴിയുമെന്നാണ് വിശ്വാസം. പാരി (തോറ്റം) ഉയരുമ്പോൾ ദേവരും ഞാനേ... ദൈവവും ഞാനേ... എന്ന് കല്പിച്ച് പഞ്ചുരുളി ദേശക്കാർക്കും കുടുംബത്തിനും അനുഗ്രഹം ചൊരിയുന്നു. “ഞാൻ ക്ഷമിച്ചേക്കും. പക്ഷേ, എനിക്ക് പിന്നാലെയെത്തുന്ന ഗുളികൻ ക്ഷമിക്കണമെന്നില്ല- കാന്താര സിനിമയിലെ പഞ്ചുരുളിയുടെ ഈ വാക്കുകൾ മനസ്സിൽ മായാതെ കിടന്നു. മിത്തുകളും ഐതിഹ്യങ്ങളും ഉറങ്ങുന്ന തുളുദേശത്ത് നാഗദേവത്തറകൾ ഇല്ലാത്ത വീടുകൾ കുറവാണ്.

പഞ്ചുരുളി

മഹേശ്വരി, കുമാരി, ബ്രാഹ്മി, വൈഷ്ണവി, ഇന്ദ്രാണി, വരാഹി, ചാമുണ്ഡി എന്നീ സപ്തമാതൃക്കളിൽ പന്നിമു ഖമുള്ള വരാഹിദേവിയെയാണ് പഞ്ചുരുളിക്കോലമായി കെട്ടിയാടുന്നത്. തുളുനാട്ടിൽനിന്നാണ് വരാഹി മലയാ ളദേശത്തേക്ക് എത്തുന്നതെന്നാണ് ഐതിഹ്യം. പഞ്ചി ഉരുവാംകാളി എന്നതാണ് പഞ്ചുരുളിയായി മാറിയത്. തുളുഭാഷയിൽ പഞ്ചി എന്ന വാക്കിന് പന്നിയെന്നാണ് അർഥം. കുപ്പേ പഞ്ചുരുളി, അണ്ണ് പഞ്ചുരുളി, വർണാ പഞ്ചുരുളി, മലാ പഞ്ചുരുളി എന്നിങ്ങനെ അഞ്ചുതരം കോലങ്ങളുണ്ട്. കുപ്പേ പഞ്ചുരുളിക്കൊപ്പം കെട്ടിയാടുന്ന കോലമാണ് കല്ലുരുട്ടി. പെൺവേഷമാണെങ്കിലും ആൺ ഉടലിലാടുന്ന കോലമാണിത്.

കാന്താര