சனாதனத்துக்கு எதிரான போர்... வென்ற அய்யா வைகுண்டர்!

மனித குல வரலாறு அதிகார வர்க்கத்தினரால் மாற்றி எழுதப்படுவது உண்டு. புல்புல் பறவையின் மீது ஏறி கோல்வாக்கர் அந்தமான் சிறையில் இருந்து பறந்து வந்ததாக கூட வரலாற்றை மாற்றலாம் அல்லது தமிழ்நாட்டு ஆளுநர் சொல்வது போல் சமூக ஏற்றத்தாழ்வை அகற்றவந்த வைகுண்டரை சனாதனியாகவும் ஆக்கலாம்.

அய்யா வைகுண்டரின் 192-ஆவது பிறந்த நாளை முன்னிட்டு ஆளுநர் மாளிகையில் நடந்த நூல் வெளியீட்டு நிகழ்ச்சியில்... ''அய்யா வைகுண்டர் தோன்றிய காலகட்டம் சனாதன தர்மத்திற்கு பாதிப்பு ஏற்பட்ட காலம்; சனாதன தர்மத்தை காப்பதற்கே அய்யா வைகுண்டர் தோன்றினார்' என ஆளுநர் ரவி பேசியிருக்கிறார்.

ஆனால் வைகுண்டர் காலம் சனாதன தர்மத்துக்கு பாதிப்பு ஏற்பட்ட காலம் அல்ல. சனாதனம் சபையேறிய காலம் என்பதை வரலாறு தெளிவாக கூறுகிறது.