சென்னை மெரினா கடற்கரையில் ஜெயலலிதா நினைவிடத்துக்கு அனுமதி அளித்ததில் முறைகேடு!

கணக்கு தணிக்கைத் துறை குற்றச்சாட்டு!!

மாநில கடலோரப் பகுதி நிர்வாக முகமை அளித்துள்ள 175 திட்டங்களில், 114 விதிமுறைகளுக்கு ஏற்புடையவை அல்ல என்று மத்திய கணக்கு தணிக்கை உயர் அதிகாரி தெரிவித்தார். இதில் முன்னாள் முதல்வர் ஜெயலலிதாவின் நினைவிடமும் இடம் பெற்றுள்ளது, சர்ச்சையை கிளர்ந்தெழ்வித்துள்ளது.

கடலோரப்பகுதி சுற்றுச் சூழலுக்கு உகந்த முறையில் பாதுகாக்கப்படவேண்டும். தேவையற்ற கட்டுமானங்களை எழுப்ப அனுமதிக்கக் கூடாது. கடல் வளத்துக்கு ஊறுவிளைவிக்கக் கூடிய செயல்பாடுகளை முற்றிலுமாக நிராகரித்து விடவேண்டும் என பலவிதி முறைகள் வகுக்கப்பட்டுள்ளன.