தொகுதி காலியானதாக அறிவிப்பு: ஈரோடு கிழக்கு தொகுதியில் விஜய் கட்சி போட்டியிடுமா?

பரபரப்பு தகவல்கள்!

ஈரோடு கிழக்கு தொகுதியில் சட்டமன்ற உறுப்பினராக இருந்த ஈ.வி.கே.எஸ்.
இளங்கோவன் காலமானதைத் தொடர்ந்து அந்த தொகுதி காலியானதாக தேர்தல் ஆணையம் அறிவித்துள்ளது. இதையடுத்து அடுத்த பிப்ரவரியில், ஆண்டு டெல்லி சட்டமன்ற தேர்தலோடு சேர்த்து ஈரோடு கிழக்கு தொகுதிக்கு இடைத்தேர்தல் நடத்தப்பட வாய்ப்புள்ளதாக கூறப்படுகிறது.

இந்நிலையில், தமிழக வெற்றிக்கழகத்தின் தலைவர், நடிகர் விஜய் ஈரோடு கிழக்கு தொகுதி இடைத்தேர்தலில் போட்டியிடுவாரா, அல்லது தன் கட்சி வேட்பாளரை நிறுத்துவாரா என்ற கேள்வி எழுந்துள்ளது.

ஈரோடு கிழக்கு தொகுதிக்கு கடந்த ஆண்டு பிப்ரவரி 27-ஆம் தேதி இடைத்தேர்தல் நடைபெற்றது.
இதில் தி.மு.க. கூட்டணியில் காங்கிரஸ் சார்பில் போட்டியிட்ட ஈ.வி.கே.எஸ். இளங்கோவன் வெற்றி பெற்றார்.

கடந்த டிசம்பர் 14-ஆம் தேதி அவர் உடல்நலக்குறைவால் காலமானார். இதையடுத்து ஈரோடு கிழக்கு சட்டமன்ற தொகுதி காலியானதாக இந்திய தேர்தல் ஆணையம் அறிவித்துள்ளது.
ஒரு தொகுதி காலியானதாக அறிவிக்கப்பட்ட அடுத்த 6 மாதங்களுக்குள் இடைத்தேர்தலை நடத்தி முடிக்க வேண்டும்.
டெல்லி மாநில சட்டப்பேரவைக்கு வரும் பிப்ரவரியில் பொதுத் தேர்தல் நடைபெற உள்ளதால், அந்த தேர்தலுடன் சேர்த்து, ஈரோடு கிழக்கு தொகுதிக்கும் நடத்தப்படலாம் என்று கூறப்படுகிறது.