મિલેટ્સ વિશે જાણો અને માણો આ મેળામાં.…

‘સ્વાસ્થ્ય અને શ્રીધાન્ય મેળા’નું આકર્ષણ બનશે મિલેટ્સમાંથી બનેલી ખાણી-પીણી.

બાજરી, જુવાર, નાચણી, સામો.. એક જમાનામાં આ ધાન્યોનું આપણી થાળીમાં માનભર્યું સ્થાન હતું. આ ધાન્યો આમ બરછટ-જાડાં, પણ ખાસ્સાં ગુણકારી. સમય જતાં ઘઉં અને ચોખા સામે આ ધાન્યો પાછળ ધકેલાતાં ગયાં.

જો કે વડા પ્રધાન નરેન્દ્ર મોદીના પ્રયાસથી આ ધાન્યો (મિલેટ્સ)ને નવેસરથી આપણા ઘરમાં પ્રવેશ અપાવવાની ઝુંબેશ શરૂ થઈ છે. નરેન્દ્ર મોદીએ તો મિલેટ્સના ઉપયોગથી સ્વાસ્થ્ય ઉત્થાનની દિશામાં પહેલ માટે સંયુક્ત રાષ્ટ્રસંઘ (યુનો)ને પ્રસ્તાવ પણ મોકલ્યો હતો. ત્યાર બાદ સંયુક્ત રાષ્ટ્રસંઘે વર્ષ ૨૦૨૩ને ઈન્ટરનૅશનલ યર ઑફ મિલેટ્સ જાહેર કર્યું અને અત્યારે એની ઉજવણી થઈ રહી છે.

એના ભાગ રૂપે જામનગરસ્થિત ઈન્સ્ટિટ્યૂટ ઑફ ટીચિંગ ઍન્ડ રિસર્ચ ઈન આયુર્વેદ દ્વારા આયુર્વેદ અને મિલેટ્સ-જાડાં ધાન્ય થકી લોકોની જીવનશૈલીને આકાર આપવા ૧૮થી ૨૧ માર્ચ સુધી આયુર્વેદ સ્વાસ્થ્ય અને શ્રીધાન્ય મેળા (હેલ્થ ઍન્ડ મિલેટ્સ એક્સ્પો-૨૦૨૩)નું આયોજન કરવામાં આવ્યું છે.