બોયફ્રેન્ડ ડેડી

આમ પણ પિતા અને પુત્રી એક સિક્કાની બે બાજુ જેવા હોય છે અને એકબીજાના પૂરક પણ..

કૃતિ ઓફિસમાં કામ કરી રહેલા પોતાના પિતાને અવારનવાર ફોન કરે છે. ક્યારેક કોઈ રેસ્ટોરન્ટમાં જવા માટે તો ક્યારેક કોઈ નવી ફિલ્મ માટે ફ્રેન્ડના ઘરે જવા કે પછી કોઈ પાર્ટીમાં જવા માટે. કૃતિ દરેક જગ્યાએ પોતાના ડેડીને પોતાની સાથે લઈ જવાનું પસંદ કરે છે. એટલા માટે નહીં કે તેના પિતા બીજી બધી ફ્રેન્ડના પિતાની સરખામણીમાં વધારે યંગ છે, પણ એટલા માટે કારણ કે તેને પોતાના ડેડીની કંપની ખૂબ ગમે છે. કૃતિના પિતા ન માત્ર પોતાની એકમાત્ર એવી દીકરીની જરૂરિયાતનું ધ્યાન રાખે છે, પણ તેની દરેક નાનીમોટી વાત પણ તેના બોલ્યા પહેલાં સમજી જાય છે.

હકીકતમાં, કૃતિના પિતા ભલે ને ગમે તેટલા વ્યસ્ત કેમ ન હોય, પોતાની વહાલી દીકરી માટે હંમેશાં ફ્રી રહે છે. આ જ કારણસર સ્કૂલના ટીચર્સથી લઈને કૃતિના ફ્રેન્ડ્સ સુધ્ધા તેના પિતાનું ઉદાહરણ આપે છે.

પિતાપુત્રીની મિત્રતા