મોનસૂન મન અને તન ભીંજવે

વરસાદી રિમઝિમ, પ્રિયજનોનો સાથ અને ધમાલમસ્તી. આ બધું ત્યારે જ શક્ય બને છે જ્યારે તમે અને તમારો પરિવાર રહે હેલ્ધી..

ઉનાળાનો ધોમધખતો તડકો અને પરસેવો ઉ ઓકતા આકાશમાંથી વરસાદના ઠંડાં ઝાપટાં વરસી પડે તો શું કહેવું. ચારેય બાજુ હરિયાળી જ હરિયાળી છવાઈ જાય છે અને મન મદમસ્ત થઈને તેમાં પરોવાઈ જાય છે.

પરંતુ ડોક્ટરોનું માનવું છે કે મોનસૂનની સીઝનમાં વરસાદ ઠંડકની સાથેસાથે કોલેરા, ડાયરિયા, મરડો, હિપેટાઈટિસ ‘એ’ અને ‘ઈ’ પણ સાથે લઈને આવે છે.

ડાયાબિટીસ, ફેફસાં અને હાર્ટની બીમારીથી પીડાતા લોકો આ સીઝનમાં થતી બીમારીઓના સકંજામાં ઝડપથી આવી જાય છે. આથી એ જરૂરી છે કે તમે મોનસૂનની સીઝનમાં પોતાના ખોરાક પર ખાસ ધ્યાન આપો, જેથી તમારું શરીર બરાબર કામ કરતું રહે અને કોઈ ઈન્ફેક્શન પણ ન થાય.

વરસાદની ઋતુમાં મોટાભાગની બીમારીઓ પાણીથી જ પેદા થાય છે. ચોમાસામાં પીવાનું પાણી દૂષિત થઈ જાય છે. આથી એ બહુ જ જરૂરી છે કે તમે બીમારીથી બચવા માટે શુદ્ધ અને સ્વચ્છ પાણી જ પીવો.

મોનસૂત્ર મંત્ર

ભરપૂર પાણી પીવો:

પાણી શરીરને હાઈડ્રેટ ફૂલ રાખે છે અને તમારી તરસ પણ છિપાવે છે, ભેજવાળા હવામાનમાં પરસેવા રૂપે પાણી અને સોડિયમ શરીરમાંથી બહાર નીકળી જાય છે. શરીરમાં પાણીની ઊણપ ન થાય, તે માટે ભરપૂર માત્રામાં પાણી પીવું જોઈએ.

પાણી કાર્બોહાઈડ્રેટ્સ, પ્રોટીન અને ચરબીની જેમ જ પોષણનું કામ કરે છે. શરીરમાં પાણીની અધિકતમ માત્રા શરીરમાં નકામી ચીજોને કાઢવાની સાથેસાથે આખા શરીરમાં ન્યૂટ્રિશિયન પહોંચાડવાનું કામ કરે છે.