રંગોથી ઘરને આપો ન્યૂ લુક

તહેવાર પર તમે પણ તમારા ઘરને રંગોથી કલરફુલ બનાવી શકો છો, આ રીતે...

- શોભા કટારે

દિવાળીનો તહેવાર આડે થોડા દિવસ જ બાકી છે - ઘરમાં તેની તૈયારીઓ પણ શરૂ થઈ ગઈ હશે. આ તહેવારની તૈયારીમાં સાફસફાઈ અને રંગરોગાનને સૌથી જરૂરી માનવામાં આવે છે. તો પછી આપણે પણ આ દિવાળી પર રંગોના યોગ્ય તાલમેલથી ઘરને નવો લુક કેમ ન આપીએ. આપણા ઘરને પણ સુંદર કેમ ન બનાવીએ.

ઘર હોય કે કોઈ રૂમ રંગોના યોગ્ય તાલમેલથી તેને સુંદર બનાવી શકાય છે. માત્ર તેના માટે જરૂરી છે રંગોની યોગ્ય પસંદગી કરવાની. પૂરતી જાણકારીના માધ્યમથી તમે રંગોના યોગ્ય તાલમેલથી તમારા ઘરને વધારે સુંદર અને અતિસુંદર બનાવી શકો છો.

સફેદ અથવા હળવા આછા રંગની પસંદગી

મોટાભાગના લોકો ઘરની દીવાલો પર સફેદ અથવા હળવા રંગોની પસંદગી કરે છે, કારણ કે તે ન માત્ર ક્લાસી લુક આપે છે, પરંતુ હંમેશાં ચલણમાં રહેતા રંગ પણ છે. તેની સાથે સફેદ અથવા હળવા આછા રંગની દીવાલો પૂરા રૂમને મોટો અને સુંદર દર્શાવે છે તેમજ ઉત્તમ પ્રકાશ પણ આપે છે, જેનાથી જોનારનું પૂરું ધ્યાન રૂમ, ઘરમાં રહેલા ફર્નિચર અથવા સજાવટી સામાન પર કેન્દ્રિત થાય છે.

આ રીતે રંગોની પસંદગી કરો

કોંટ્રાસ્ટ રંગોની પસંદગી કરીને પણ તમે કલરફુલ બનાવી શકો છો. તેના તમારા ઘરને માટે રંગોનું કોમ્બિનેશન બનાવો, જેમ કે લાલ સાથે પીળો, લીલા સાથે નારંગી અથવા પીળો વગેરે. કલર વ્હીલમાં ૨ બિલકુલ અલગ છેડા પર રહેલા રંગ જેમ કે વાદળી સાથે નારંગી, લાલ સાથે લીલો અથવા પીળા સાથે જાંબુડી રંગની પસંદગી કરી શકાય છે, પરંતુ પસંદગી કરતી વખતે તમારે એક વાતનું ધ્યાન રાખવું પડશે કે જો દીવાલ પીળા રંગમાં રંગેલી હશે તો સજાવટ માટે પડદાનો રંગ, બેડશીટ, કુશન અથવા સોફાના કવરની કોઈ એક વસ્તુ જાંબુડી રાખો.