സീതായനം

ഇതിഹാസ കഥാപാത്രങ്ങളല്ല ഇവിടെ പറയുന്ന രാമനും സീതയും. അതിനാൽ കണ്ണുരുട്ടുകയോ ഭീഷണിപ്പെടുത്തുകയോ ചെയ്യരുതെന്ന് അപേക്ഷിക്കുന്നു.

- മേഘനാദൻ 

ഇക്കഥയിൽ പറയുന്ന രാമൻ കൂലിപ്പണിക്കാരനാണ്. അയാളുടെ കെട്ടിയവളുടെ പേര് സീത എന്നായത് തികച്ചും യാദൃച്ഛികം.

സീത സ്വത്തും പണവും എല്ലാ മുള്ള നല്ലൊരു തറവാട്ടിൽ പിറന്നവ ളായിട്ടും സ്വയംവരം ചെയ്തത് രാമനെയാണ്.

സോഫ്റ്റ്വെയർ എഞ്ചിനീയർമാർ. ബിസിനസ്സുകാർ, ഡോക്ടർമാർ എന്നിങ്ങനെയുള്ള വമ്പന്മാരുടെ ഒരു വലിയ നിരതന്നെ സീതയെ കെട്ടാൻ മോഹിച്ച് പിന്നാലെ നടന്നെങ്കിലും സീതയ്ക്ക് ബോധിച്ചത് കൂലിപ്പണി ക്കാരനായ രാമനെയായിരുന്നു.

എന്തൊക്കെ പറഞ്ഞാലും ചിലർക്ക് ചില ജീവിതം പ്രകൃതി വിധിച്ചിട്ടുണ്ട്. ഇല്ലെങ്കിൽപ്പിന്നെ സീതയ്ക്ക് കേവലമൊരു കൂലിപ്പണിക്കാരന്റെ ഭാര്യയായി ജീവിക്കേണ്ടി വരുമായിരുന്നോ? രാമനെ ഭർത്താവായി കിട്ടിയില്ലെ ങ്കിൽ ജീവനൊടുക്കുമെന്ന ഭീഷണി യിൽ പാവം സീതാപിതാവ് പുതി മക്ഷം വില്ലുപോലെ വളഞ്ഞുപോയി. ആ വളവ് പിന്നീടൊരിക്കലും നിവർന്നില്ലെന്നതാണ് വാസ്തവം. നിവരാത്ത വളവോടെ കുറച്ചുകാലം കൂടി ജീവിച്ച് ആ പാവം അന്ത്യ ശ്വാസം വലിച്ചു.

സീതയുടെ മാതാശ്രീ പിതാശ്രീ യുടെ മരണത്തിന് കുറച്ചുകൊല്ലം മുന്നേ നിത്യനിദ്ര പൂകിയിരുന്നു. ഇല്ലെങ്കിൽ എന്തു സംഭവിക്കുമായിരു ന്നുവെന്ന് സകലരും ഊഹിച്ചതാണ്. മകളുടെ ചതിയിൽ മനംനൊന്ത് ആ പാവം കെട്ടിത്തൂങ്ങി മരിച്ചേനെ. അത്രയ്ക്കും തൊട്ടാവാടിയായ സ്ത്രീയായിരുന്നു അവർ.

അതിഗംഭീരമായി നടക്കാനിരുന്ന സീതാകല്യാണം അതിലളിതമായി നടക്കാനായിരുന്നു വിധി.