എഴുത്തിനിരുത്ത്

എഴുത്തിനിരുത്തുന്നവരുടെ തൊഴിലിന്റെ സ്വഭാവമനുസരിച്ചായിരിക്കും അവർ നിർവഹിക്കുന്ന വിദ്യാരംഭം ചടങ്ങുകളും.

- പി.ആർ.കൃഷ്ണൻകുട്ടി

മൂന്ന് വർഷം മുമ്പ് കോവിഡുമായി ബന്ധപ്പെട്ട് ദീർഘകാലം ലോക്ഡൗൺ ആയിരുന്നത് ഓർമ്മയില്ലേ ? അത് കാരണം, ഈ വർഷം വിദ്യാരംഭം കുറിക്കാൻ മൂന്നു വയസ്സ് തികഞ്ഞ കുട്ടികളുടെ എണ്ണത്തിൽ ഗണ്യമായ വർദ്ധനവുണ്ടായി. എഴുത്തിനിരുത്ത് ഒരുക്കിയ ക്ഷേത്രങ്ങളിലും, പത്ര സ്ഥാപനങ്ങളിലും, വായനശാലകളിലും എഴുത്തിനിരുത്താനുളള കുട്ടികളുടെ രക്ഷിതാക്കൾ മുൻകൂട്ടി ഓൺലൈൻ വഴി തങ്ങളുടെ കുട്ടികളുടെ എഴുത്തിനിരുത്താനുളള ബുക്കിംഗ് ചെയ്തിരുന്നു. അങ്ങനെ ബുക്കിംഗ് ചെയ്യാൻ കഴിയാതെ പോയ രക്ഷിതാക്കൾ സ്വന്തം വീടുകളിൽ തന്നെ കുട്ടികളുടെ വിദ്യാരംഭം കുറിച്ചു. എഴുത്തിനിരുത്തുന്നവരുടെ സ്വഭാവഗുണങ്ങൾ കുട്ടികളിലും പ്രതിഫലിക്കും എന്നാണ് പൊതുവെയുളള വിശ്വാസം. അതേപോലെ എഴുത്തിനിരുത്തുന്നവരുടെ തൊഴിലിന്റെ സ്വഭാവമനുസരിച്ചായിരിക്കും അവർ നിർവഹിക്കുന്ന വിദ്യാരംഭം ചടങ്ങുകളും.

ഒരു ആധാരമെഴുത്തുകാരനായ മുത്തച്ഛൻ തന്റെ ചെറുമകനെ എഴുത്തിനിരുത്തിയപ്പോൾ കുട്ടിയുടെ കൈപിടിച്ച് ആദ്യാക്ഷരം കുറിച്ചത് ഇപ്രകാരമായിരുന്നു. "രണ്ടായിരത്തി ഇരുപത്തിമൂന്നാ മാണ്ട് ഒക്ടോബർ മാസം ഇരുപത്തി നാലാം തീയതി ഓം ഹരിശ്രീ ഭൂലോകം താലൂക്കിൽ ഹിമാലയം വില്ലേജിൽ സർവെ നമ്പർ 1/23ൽ കൈലാസം വീട്ടിൽ താമസം പരമശിവൻ മകൻ 32 വയസ്സ് ഗണപതയേ നമ്

 ഒരു പുരോഗമന രാഷ്ട്രീയ പ്രസ്ഥാനത്തിന്റെ പ്രമുഖ നേതാവ് ഒരു കുട്ടിയെ എഴുത്തിനിരുത്തി എഴുതിച്ചത്.

"ഓം ഹരിശ്രീ മിത്തായേ നമഃ' എന്നായിരുന്നു.