બજેટ પહેલા આજે મળશે સર્વપક્ષીય બેઠકઃ કાલે રાષ્ટ્રપતિનું અભિભાષણ

બુધવારે રજૂ થનારાં સામાન્ય બજેટ પર સૌની નજર

નવી દિલ્હી, સોમવાર

આવતી કાલ ૩૧મી જાન્યુઆરીથી કેન્દ્ર સરકારનું બજેટ સત્ર શરૂ થઈ રહ્યું છે. સંસદમાં બજેટ સત્ર પહેલાં આજે કેન્દ્ર સરકારે સર્વપક્ષીય બેઠક બોલાવી છે. આ બેઠક આજે બપોરે ૧૨ કલાકે સંસદ પરિસરમાં મળશે. જેમાં કેન્દ્રીય પ્રધાન પ્રહલાદ જોશી, કેન્દ્રીય પ્રધાનો સહિત તમામ પક્ષના નેતા ભાગ લેશે. સર્વપક્ષીય બેઠકમાં સરકાર બજેટ સત્ર દરમિયાન સંસદીય કાર્યવાહી સારી રીતે ચલાવવા માટે સહયોગની માગ કરશે.