ડરાવતો કોરોનાઃ ૨૪ કલાકમાં ૩,૦૯૫ નવા કેસ નોંધાયા. એક્ટિવ કેસ ૧૫ હજારને પાર

કેન્દ્ર અને આરોગ્ય મંત્રાલયની ચિંતા વધી: પ્રતિબંધોની તોળાતી તલવાર

નવી દિલ્હી, શુક્રવાર

દેશમાં કોરોના સંક્રમણ હવે ડરામણું બનતું જાય છે. રોજેરોજ સામે આવતા આંકડા કેન્દ્ર સરકાર અને આરોગ્ય મંત્રાલયની પરેશાની વધારી રહ્યા છે. દેશમાં છેલ્લા ૨૪ કલાક દરમિયાન કોરોનાના ૩,૦૯૫ નવા કેસ નોંધાયા છે અને તેના કારણે એક્ટિવ કેસ ઊછળીને સીધા ૧૫ હજારને પાર એટલે કે ૧૫,૨૦૮ થઈ ગયા છે. એક જ દિવસમાં એક્ટિવ કેસમાં ૧,૬૯૯ કેસનો વધારો થયો છે, જે ૦.૦૩ ટકાનો ઉછાળો સૂચવે છે.