ગુજરાત માટે ગોઝારો બુધવારઃ એક જ દિવસમાં બે ગમખ્વાર અકસ્માત, ચાર લોકોનાં મોત. ચાર ઘાયલ

અંકલેશ્વર પાસે મુંબઈતા પરિવારને અકસ્માત નડ્યો, ઘટનાસ્થળે ત્રણનાં મોતઃ ધંધૂકામાં થયેલા અન્ય અકસ્માતમાં રિક્ષાચાલકનું મોત નીપજ્યું

ગુજરાતમાં અકસ્માતની ઘટના દિવસે ને દિવસે વધી રહી છે. અકસ્માત થવા પાછળનાં અનેક કારણો હોય છે, પરંતુ સૌથી મહત્વનું કારણ વાહનની ઓવરસ્પીડ હોય છે. અકસ્માતના કારણે ગુજરાતના હાઇવે અનેક વખત રક્ત રંજિત થાય છે. આજે સવારે પણ ગોઝારો અકસ્માત સામે આવ્યો છે. જેમાં ચાર લોકોનાં મોત થયાં છે અને ચારથી વધુ લોકો ઘાયલ થયા છે.

ભરૂચના અંકલેશ્વર પાસે નેશનલ હાઈવે નંબર-૪૮ ૫૨ મુંબઇ જતા બાકરોલબ્રિજ પાસે ગોઝારો અકસ્માત સર્જાયો હતો. પરોઢે પુરઝડપે જતી અર્ટિગા કારને પાછળથી કોઈ વાહને ટક્કર મારતાં કાર ટ્રક પાછળ ધડાકાભેર ભટકાઈ હતી. આ ગોઝારા અકસ્માતમાં ત્રણ યુવકનાં ઘટનાસ્થળે મોત થયાં હતાં, જ્યારે ચાર લોકો ગંભીર રીતે ઘાયલ થયા હતા.