અસલામત અમદાવાદઃ ગઠિયાઓએ હવે ઘરમાં ઘૂસીને ચેઈત સ્નેચિંગ કર્યું

સબસલામતના દાવા કરતી પોલીસના ગાલ પર સ્નેચર્સનો સજ્જડ તમાચો: કઠવાડા ગામનો ચોંકાવનારો બનાવ

અસલામત અમદાવાદ આ શબ્દ કહેવો કંઇ ખોટો નથી, કારણ કે હવે અમદાવાદીઓ તેમના ઘરમાં જ સુરક્ષિત નથી રહ્યા. જાહે૨ રોડ પર મોબાઇલ પર વાત કરતા લોકોને ડર લાગે છે કે ક્યાંક બાઇકર્સ આવીને મોબાઇલ સ્નેચિંગ તો કરી નહીં જાય ને, સોનાની ચેઇન પહેરીને બહાર નીકળતી મહિલાના મનમાં એક ખોફ છે કે શું કોઇ બાઇકર્સ આવીને મારા ગળાની ચેઇન ખેંચી તો નહીં જાય ને. શહેરમાં સ્નેચર્સનો આતંક દિવસને દિવસે વધી રહ્યો છે. તેની સામે પોલીસની કામગીરી શૂન્ય છે. સબસલામતના ખોટા ખોટા દાવા કરતી પોલીસના ગાલ પર તમાચો મારતી એક ચોંકાવનારી ઘટના સામે આવી છે. મહિલા ઘરે આરામ કરી રહી હતી ત્યારે ગઠિયા તેના ગળામાંથી સોનાની ચેઇન ખેંચીને ફરાર થઇ ગયા હતા. પોલીસ ચોપડે નોંધાયેલી આ ઘટના પરથી એક વાત તો સાબિત થઇ જાય છે કે હવે અમદાવાદીઓ પોતાના ઘરમાં સુરક્ષિત નથી. તસ્કરો પહેલાં બહાર ચોરી અને લૂંટ કરતા હતા જ્યારે હવે તો તે ઘરમાં ઘૂસીને ચેઇન સ્નેચિંગની ઘટનાને અંજામ આપીને નાસી જાય છે.