શહેરમાં હનુમાન જન્મોત્સવની ધામધૂમથી ઉજવણીઃ મંદિરોમાં ભક્તોની ભીડ જામી

હનુમાન મંદિરો ‘જય બજરંગબલી'ના નાદથી ગૂંજી ઊઠ્યાં: સુંદરકાંડ-ભંડારાનું આયોજન

અમદાવાદ, ગુરુવાર

શ્રીરામભક્ત હનુમાનજીનો જન્મોત્સવ આજે શ્રદ્ધાપૂર્વક ધામધૂમથી ઊજવાઈ રહ્યો છે. શહેરનાં તમામ હનુમાન મંદિરોમાં 'જય બજરંગબલી'ના નાદ સાથે સવારથી ભક્તોની ભીડ જામી છે. મંદિરોમાં સંગીતમય સુંદરકાંડ અને ભંડારાનું આયોજન થયું છે. હનુમાનજયંતી નિમિત્તે આજે ઠેરઠેર શોભાયાત્રાઓ નીકળશે. હનુમાન મંદિરો બહાર આકડાનાં ફૂલ, તલનું તેલ, અન્ય ફૂલહારનું ધૂમ વેચાણ થઇ રહ્યું છે. શહેરના અનેક વિસ્તારોમાં ‘હનુમાનજીની ભવ્ય સવારી' શોભાયાત્રા અને હોમ-હવનનું આયોજન કરવામાં આવ્યું છે.