ഇനി തീ പാറും

ഇന്ത്യ - ഓസ്ട്രേലിയ പരമ്പരയോടെ ലോക ടെസ്റ്റ് ചാമ്പ്യൻഷിപ്പിന്റെ ആവേശം ഇരട്ടിക്കും. നിലവിലെ പ്രവചനങ്ങൾക്കതീതമാണ് ഓരോ ടീമിന്റെയും സാധ്യതകൾ

- hariharanandanan

നന്ദി ആരോട് ഞാൻ (ഇന്ത്യ) ചൊല്ലേണ്ടു എന്ന ഗാന ശകലമാണ് ബംഗ്ലാദേശ് ടെസ്റ്റ് പരമ്പര കഴിഞ്ഞപ്പോൾ ഓർമ വന്നത്. വാസ്തവത്തിൽ ആതിഥേയരോടാണോ അതോ രവിചന്ദ്രൻ അശ്വിൻ എന്ന എല്ലാവരും മറക്കാൻ തുടങ്ങിയ ഓൾറൗണ്ടറോടാണോ ഇന്ത്യ നന്ദി പറയേണ്ടത് എന്ന് നിശ്ചയമില്ല. ഒരു നെഗറ്റീവ് വിശകലനം ഒഴിവാക്കി അശ്വിനെ ത്തന്നെ അതിനു തിരഞ്ഞെടുക്കാമെന്നു തോന്നുന്നു. കാരണം 2-0 എന്ന ഫലം വളരെ എളുപ്പത്തിൽ 1-1 എന്ന നിലയിലേക്ക് വഴുതിപ്പോയിട്ടില്ലെങ്കിൽ അതിനു പിന്നിൽ ഈ തമിഴ്നാട് താരം ആണ്.

രണ്ടാം ടെസ്റ്റിൽ 145 എന്ന ലക്ഷ്യം തേടി ബാറ്റ് ചെയ്ത ഇന്ത്യ നാലാം ഇന്നിങ്സിൽ ഏഴിന് എഴുപത്തിനാല് എന്ന സ്കോറിൽ പരാജയം ഏറ്റുവാങ്ങാൻ തയ്യാറെടുത്ത് നിൽക്കുകയായിരുന്നു. സ്പിന്നർമാർ തലങ്ങും വിലങ്ങും വിക്കറ്റുകൾ എടുക്കുന്ന ആ സമയ ത്ത് അവരെ ഒരു കടന്നാക്രമണത്തോടെ കീഴടക്കി അമൂല്യമായ 42 റൺസ് നേടി മത്സരം ജയിപ്പിച്ച അശ്വിൻ, ശ്രേയസ് അയ്യരുമായി ചേർന്ന് 71 റൺസ് ആണ് എട്ടാം വിക്കറ്റിൽ കൂട്ടിച്ചേർത്തത്.

ഈ വിജയം ടെസ്റ്റ് ചാമ്പ്യൻഷിപ്പ് പോയന്റ് പട്ടികയിൽ ഇന്ത്യക്ക് ഏറ്റവും അടുത്ത എതിരാ ളികളായ ദക്ഷിണാഫ്രിക്കക്കെതിരെ സാമാന്യം നല്ല ലീഡാണ് നേടിക്കൊടുത്തത്. സമനില യിലാണ് പരമ്പര അവസാനിച്ചിരുന്നതെങ്കിൽ ഇപ്പോഴുള്ള 58.93 എന്ന വിജയശതമാനം 54 ആയി കുറയുമായിരുന്നു. ഈ വിജയം ഇന്ത്യയെ രണ്ടാം സ്ഥാനത്തു ലീഡ് വലുതാക്കി തുടരാൻ സഹായിച്ചു.