മഴക്കാട്ടിലെ കിരീടധാരികൾ

ഹെൽമെറ്റഡ് ഹോൺബിൽ! തലയിൽ ശിരോകവചമുള്ള അപൂർവയിനം വേഴാമ്പൽ... തായ്ലൻഡിലെ മഴക്കാടുകൾ കാട്ടിത്തരുമോ ആ അവർണനീയ ദൃശ്യം...

-  G SHAHEED

തായ്യ്ലൻഡിലെ മഴക്കാടുകളുടെ നിബിഡതയിലൂടെയാണ് യാത്ര. വനത്തിന്റെ ഇരുൾപ്പച്ചയ്ക്കിട യിൽ എവിടെയാകും ശിരോമകുടം ധരിച്ച ആ വേഴാമ്പലുകളുണ്ടാകുക? തങ്ങളിലേറെ യെണ്ണത്തിന്റെ ചോര വീണു നനഞ്ഞ കാടി നുള്ളിൽ കാൽ വെച്ചത് ശത്രുവോ മിത്രമോ എന്നറിയാതെ അവ തലനീട്ടുകയില്ലായിരി ക്കാം. അവയുടെ ദുർവിധിയോർത്താവും ഈ മഴക്കാടുകൾ കണ്ണീരൊഴുക്കുന്നത്. കാ ടിന്റെ ഹൃദയത്തുടിപ്പുകൾ ഉൾക്കൊള്ളുന്ന പ്രകൃതിസ്നേഹികൾക്ക് മാത്രമേ ആ കര ച്ചിൽ കേൾക്കാനാകൂ.

അത്യപൂർവമാണ് ഹെൽമെറ്റഡ് ഹോൺബില്ലുകൾ (Helmeted Hornbill). തലയിൽ കവചം പോലുള്ള രൂപമാണ് ഇവയുടെ സവിശേഷത. അതുകൊണ്ടു തന്നെയാണ് പക്ഷിവേട്ടക്കാർ ഹെൽമെറ്റഡ് ഹോൺബില്ലുകളെ തേടി കാട് കയറുന്നതും. 'ഹെൽമെറ്റ് പിഴുതുമാറ്റി ആനക്കൊമ്പിൽ എന്നതുപോലുള്ള ഹൃദയഹാരിയായ കരകൗശല വസ്തുക്കൾ സൃഷ്ടിക്കും. അവയ്ക്ക് തീപിടിച്ച വിലയാണ്. ഡോളർ നിരക്കിലാണ് കച്ചവടം. കവചം ആനക്കൊമ്പുപോലെ ദൃഢമല്ല. അതിനാൽ കൊത്തുപണികൾ ചെയ്യാൻ എളുപ്പമാണ്. തായ്ലൻഡിൽ നിന്ന് ചൈനയിലേക്കാണ് കരകൗശല വസ്തുക്കൾ കൂടുതലായി കയറ്റുമതി ചെയ്യുന്നത്. തായ്ലൻഡിലെ മഴക്കാടുകളിൽ കൂടുകൂട്ടുന്ന ഈ വേഴാമ്പൽ ആകാശത്തിൽ ചിറക് വിടർത്തിയാൽ അത്യപൂർവമായ കാഴ്ചയാ ണ്. നമ്മുടെ മലമുഴക്കി വേഴാമ്പലുകളെ പോലെ തന്നെ ഏത് പ്രകൃതിസ്നേഹി യുടെയും ഹൃദയം കവരുന്ന കാഴ്ച.

തായ്ലൻഡ് കൂടാതെ മലേഷ്യ, മ്യാൻമാർ തുടങ്ങിയ രാജ്യങ്ങളിലും ഹെൽമെറ്റഡ് ഹോൺബില്ലുകളെ കാണാം. ഇന്ത്യയിലും ആഫ്രിക്കയിലുമായി 57 ഇനം വേഴാമ്പലുകളുണ്ട്. അതിൽ ആകർഷകവും ആഗോളതലത്തിൽ ശ്രദ്ധിക്കപ്പെട്ടവയുമാണ് ഹെൽമെറ്റഡ് ഹോൺബില്ലുകൾ. ഈ അപൂർവയിനം വേഴാമ്പലുകൾ സംരക്ഷിക്കപ്പെടുന്നുണ്ടെന്ന് ഓരോ രാജ്യത്തിലെയും വനംവകുപ്പ് പറയും. എന്നാൽ, അവ വേട്ടയാടപ്പെടുന്നുവെന്നാണ് അന്തർദേശീയ പ്രകൃതിസംരക്ഷണ സംഘടനയായ ഐ.യു.സി.എന്നിന്റെ നിഗമനം. അതിനാൽ വംശനാശം നേരിടുന്ന പക്ഷിയായി ഈ വേഴാമ്പലിനെ പ്രഖ്യാപിച്ചു കഴിഞ്ഞു.