കേരളീയം

അങ്ങനെ പറഞ്ഞു പറഞ്ഞ് കേരളീയവും കഴിഞ്ഞു. ഇനി കുട്ടനാടൻ കരിമീൻ പൊള്ളിച്ചതും, വയനാടൻ വനസുന്ദരി ചിക്കനും, കോഴിക്കോടൻ കല്ലുമ്മക്കായും, കരിംജീരകക്കോഴിയും ഒക്കെ കഴിക്കണമെങ്കിൽ ഒരുവർഷം കാത്തിരിക്കണമെന്നേ!

- സുന്ദർജി

സതീശേട്ടൻ ഉള്ളുരുകി പാടുന്ന കേട്ടാണ് ഞെട്ടി ഉണർന്നത്.

"എല്ലാരും ചൊല്ലണ്, എല്ലാരും ചൊല്ലണ്
കേരളീയം നല്ലാണെന്ന്,
നല്ലാണെന്ന്
ഞാനന്നു ചെന്നപ്പോൾ
ധൂർത്താണു കണ്ടതയ്യാ
പെരും ധൂർത്താണ് കണ്ടതയ്യാ
നാടാകെ ചൊല്ലണ്
നാട്ടാരും ചൊല്ലണ്
വികസനക്കാടാണ് കേരളീയം
ഞാനന്നു ചെന്നപ്പം
അഴിമതിക്കാടാണു കണ്ടതയ്യാ
അഴിമതി....കാടാണു കണ്ടതയ്യാ
എന്തിന്നു നോക്കുന്നു മുഖ്യാ നീ
ഞങ്ങളെ
അങ്ങോട്ടു ഞങ്ങളില്ലാ
കേരളീയ പന്തലിൽ ഞങ്ങളില്ലാ
മുണ്ടു മുറുക്കണം,റേഷനും
വാങ്ങണം
അഴിമതി കൂത്തിനു ഞങ്ങളില്ലാ.
( എല്ലാരും....)