પરફેક્ટ બ્રાઈડલ-વેર

લહેંગામાં કંઈક નવું ટ્રાય કરવા માંગો છો, તો જાણો આજકાલ દુલ્હનની પ્રથમ પસંદ શું છે...

- કુશલા પાઠક

કોઈ પરિવારમાં કોઈ નવયુવક અથવા નવયુવતીનો સંબંધ નક્કી થતા બધા પોતાના પોશાકને લઈને પરેશાન દેખાય છે. બધા એવા પોશાક પહેરવા ઈચ્છે છે કે આવનાર તમામ લોકો તેમના પોશાકની પ્રશંસા કરે. પોશાકની પસંદગીને લઈને કોઈ નવયુવતી સૌથી વધારે મૂંઝવણમાં દેખાય છે, કારણ કે તે લગ્ન સમારંભમાં દુલ્હન બનતી નવયુવતી મુખ્ય નાયિકા હોય છે.

નવયુવતી સૌથી સુંદર અને આકર્ષક લુક માટે કેટલીય સીરિયલ જુએ છે, મેગેઝિનનાં પાનાં ફેરવે છે, તેમાં દુલ્હન બનેલી યુવતીને જુએ છે. એટલું જ નહીં, મોલ્સમાં જઈને બ્રાઈડલ ડ્રેસ જુએ છે. કલાકો ઓનલાઈન સાઈટ પર પોતાને લાયક ડ્રેસ શોધે છે. મોંઘા બ્યૂટિપાર્લરમાં જઈને મેકઅપ કરાવે છે, પરંતુ ડ્રેસની યોગ્ય ડિઝાઈન અને રંગ દુલ્હનનું આકર્ષણ વધારે છે.

લગ્નસમારંભમાં મૂવી કેમેરા મોટાભાગે દુલ્હન બનીને પર કેન્દ્રિત રહે છે, તેથી દુલ્હન નવયુવતી સૌથી આકર્ષિત કરતા ડ્રેસ પહેરવાની કોશિશ કરે છે. આધુનિક પોશાકમાં દુલ્હન સાડીના બદલે લહેંગામાં તૈયાર થવાનું પસંદ કરે છે. મહિનાઓ પહેલાં લહેંગાની પસંદગી કરવાનું શરૂ કરે છે.

ડિઝાઈનર લહેંગા

બજારમાં લગ્નની સીઝનમાં વેડિંગ વેરની ભરમાર જોવા મળે છે. દુકાનોમાં દુલ્હન દ્વારા પહેરાતા લહેંગાની વિવિધ વેરાઈટી જોવા મળે છે. બજારમાં લહેંગાની એટલી વેરાઈટી, રંગ અને ડિઝાઈન જોવા મળે છે કે દુલ્હન બનનાર નવયુવતી લહેંગો પસંદ નથી કરી શકતી. અનેક શોરૂમમાં જઈને નવયુવતીઓ લહેંગા જુએ છે.