கைத்தறி துணிகளை வாங்குவோம்! நெசவாளர் வாழ்க்கையில் ஒளியேற்றுவோம்!!

கலைநயம் + தரம்

- ரம்யா ரவிக்குமார்

உலகம் தோன்றி, மனிதன் பரிணாம வளர்ச்சியடைந்து, ·தன்னை முழுதாக உணர்ந்த பிறகு, அவனுக்கு உணவு, உடை, இருப்பிடம் மூன்றும் அடிப்படைத் தேவைகளானது. அதை ஒட்டியே தொழில்களும் தோன்றின, நாகரிகமும் வளர்ந்தது. அந்த வரிசையில் உலகம் முழுவதுமே வேளாண்மைக்கு அடுத்தபடியாக, நெசவுத் தொழில் சிறப்புற்று விளங்கியது. குறிப்பாக நாகரிகத்தில் முன்னோடிகளான, தமிழ் சமூகத்தில் இருந்த திறன்மிகு நெசவாளர்களின் கலைநயமிக்க படைப்புகள், உலக அளவில் புகழ்பெற்று விளங்கியது. ஆனால், கால ஓட்டத்தில், எந்திரங்களின் அதீத ஆதிக்கத்தால், நலிந்துவரும் பழம்பெரும் தொழில்களின் பட்டியலில் கைத்தறி நெசவும் உள்ளது.  இதனால், கைத்தறி நெசவை நம்பியுள்ள இலட்சக்கணக்கான நெசவாளர் குடும்பங்கள் பாதிப்படைகிறார்கள். இதைக் கருத்தில் கொண்டு, அரசு மாவட்டம்தோறும் "கைத்தறி நெசவாளர் கூட்டுறவு சங்கங்களை" ஏற்படுத்தி, பாரம்பரியமிக்க நெசவுத் தொழிலையும், நெசவாளர்களின் வாழ்க்கையையும் காப்பாற்ற பல்வேறு முயற்சிகளை எடுத்துவருகிறது.

அதில் ஒன்றாக, பழமையையும், புதுமையையும் கலந்து, புதிய புதிய வடிவமைப்புகளை படைக்கும் வகையில் நெசவாளர்களின் கலைத்திறனை ஊக்குவிக்கின்றனர்.  பொதுவாகவே கைத்தறி துணிகளின் சிறப்பம்சமே, அதன் தரமும், நீண்டகால உழைப்பும்தான். நீங்கள் எத்தனை விலைபோட்டு மற்ற துணிகளை எடுத்தாலும், கைத்தறி இரகங்களுக்கான மதிப்பென்பது விலை மதிக்க முடியாதது. ஏனென்றால், அதில் ஒவ்வொரு நெசவாளரின் மாபெரும் உழைப்பும், கற்பனைத் திறனும் சரிபாதியாக கலந்துள்ளது. வரும் மாதங்கள் விழாக் காலங்களாக இருப்பதால் அதை முன்னிட்டு கைத்தறி துறையிலும், எண்ணற்ற புதிய இரகங்களை அறிமுகப்படுத்தி வருகிறார்கள். ஒவ்வொரு மாவட்ட சரகத்திலும் பல்வேறு துணி இரகங்கள் தனித்துவமாக, பெயர் பெற்று விளங்குகிறது.

இந்த விழாக் காலத்திலேனும், பொது மக்கள் கலைநயமும், தரமும் ஒருசேர இணைந்து காணப்படும் கைத்தறி துணிகளை, வாங்கிப் பயன்படுத்த வேண்டுமென்ற நோக்கத்திலும், அதற்கு வழிகாட்டும் வகையிலும், எந்தெந்த மாவட்டத்தில் என்னென்ன துணி இரகங்கள் தயாராகி விற்பனைக்கு வருகிறது என்பதை அறிய, முக்கியமான சில மாவட்டங்களை வலம் வந்தோம். கிடைத்த தகவல்களை வைத்து, ஒரு சுருக்கமான அறிமுகம் இதோ உங்களுக்காக..

காஞ்சிபுரம்: