എന്ന് സ്വന്തം റസ്ബിൻ

കത്തെഴുത്തിലൂടെ സൗഹൃദത്തിന്റെ വ്വത്വസ്ത ലോകം തുറക്കുകയാണ് മലപ്പുറം അരീക്കോടു സ്വദേശി റസ്ബിൻ. 43 രാജ്യങ്ങളിൽനിന്നാണ് റസ്ബിനെ തേടി കത്തുകളെത്തുന്നത്...

- സമൂർ നൈസാൻ

കടൽ കടന്ന് കടലോളം സൗഹൃദവുമായി മലപ്പുറം അരീക്കോട്ടെ ഒരു പെൺകുട്ടിക്ക് 'ലോകം' കത്തയക്കുകയാണ്.  അമേരിക്കയിൽ നിന്നും ആഫ്രിക്കയിൽ നിന്നും യൂറോപ്പിൽ നിന്നുമെല്ലാം ഏറെ വിശേഷങ്ങളും സമ്മാനങ്ങളുമായി ദേശാടനക്കിളികളെ പോലെ ആ കത്തുകൾ സൗഹൃദത്തിന്റെ പൊൻതൂവലുമായി അരീക്കോട്ടെ ഒരു മേൽവിലാസത്തിലേ പറന്നെത്തും.

അരീക്കോട് ഊർങ്ങാട്ടിരി സ്വദേശിയും തിരുവമ്പാടി അൽഫോൻസ കോളജിലെ ബി.എസ്.സി സൈക്കോളജി വിദ്യാർഥിനിയുമായ റസ്ബിൻ അബ്ബാസാണ് ഈ കത്തെഴുത്ത് കഥയിലെ' നായിക. റസ്ബിൻ അബ്ബാസിനെ തേടി 43 രാജ്യങ്ങളിൽ നിന്ന് കത്തുകൾ എത്തുന്നുണ്ടെന്ന് കേട്ടാൽ ഒരുപക്ഷേ ഈ സോഷ്യൽ മീഡിയ കാലത്ത് ആദ്യമൊന്നു വിശ്വസിക്കാൻ പ്രയാസപ്പെടും.

സൗഹൃദത്തിന്റെ അതിർവരമ്പുകൾ ഭേദിച്ച് മെക്സികോയിൽ നിന്ന് സാറയും ബൾഗേറിയയിൽ നിന്ന് മാഗിയും ബ്രസീലിൽ നിന്ന് ഐവയുമെല്ലാം റസ്ബിന് കത്തുകൾ അയച്ചു കൊണ്ടേയിരിക്കുകയാണ്. കത്തെഴുത്തിലൂടെ സൗഹൃദത്തിന്റെ വ്യത്യസ്ത ലോകം തുറന്ന ആ കഥയിതാ...

ജീവിതം മടുത്ത ദിനങ്ങൾ