കളറാവട്ടെ പുതുവർഷം

ജോലിത്തിരക്കി നിടയിൽ സമയ മില്ല എന്ന് പരിത പിക്കുന്ന സ്ത്രീ കൾക്കും പുരു ഷന്മാർക്കും ഡി ജിറ്റൽ സമൂഹ മാധ്വമങ്ങൾ ഉപ യോഗപ്പെടുത്തി ക്കൊണ്ട് പഴയ സൗഹൃദങ്ങളെ പുതുക്കാം

പ്രശ്നങ്ങളും ദുഃഖങ്ങളും നേരിടാത്ത മനുഷ്യരില്ല. ജീവിതത്തിൽ ഒരു ഘട്ടത്തിൽ അല്ലെങ്കിൽ മറ്റൊന്നിൽ നാമെല്ലാവരും പ്രതിസന്ധികളെ അതിജീവിച്ചേ മതിയാവൂ. പ്രശ്നങ്ങളെ പറ്റി നിരന്തരം ചിന്തിച്ചു മനസ്സിനെ കൂടുതൽ വിഷമിപ്പിക്കാതെ നെഗറ്റിവ് ചിന്തകളിൽനിന്ന് മനസ്സിന്റെ ശ്രദ്ധയെ മാറ്റാൻ നമുക്കു ശ്രമിക്കാം.

കഴിഞ്ഞുപോയ ജീവിതാനുഭവങ്ങളെ സ്വയംവിലയിരുത്താം, ഉറച്ച ലക്ഷ്യത്തിനായി ധൈര്യപൂർവം തീരുമാനമെടുത്തു മുന്നോട്ടു പോകാം, നിങ്ങൾക്ക് സന്തോഷം ലഭിക്കുന്ന കാര്യങ്ങളിലേക്ക് ശ്രദ്ധകേന്ദ്രീകരിക്കാം. “ഞാൻ ആരാണ്, ഞാൻ ആരായിത്തീരണം?” ഇതു തീരുമാനിക്കേണ്ടത് 'ഞാൻ' തന്നെയാണ്.

നമ്മുടെ കഴിവുകൾ എന്തെന്നും, എന്താണ് നമ്മുടെ മനസ്സിനെ സമാധാനത്തിലാക്കാൻ സഹായിക്കുക എന്നും കണ്ടെത്താം. അങ്ങനെ ഒരു ചിന്ത നമ്മുടെ മനസ്സിനെ ശാന്തമാക്കും എന്നു മാത്രമല്ല, വളരെ ധൈര്യപൂർവം പ്രശ്നങ്ങളെ നേരിടാനുള്ള പ്രാപ്തിയും അതിലൂടെ നാം നേടിയെടുക്കും.

ജീവിതം അർഥപൂർണമാക്കിത്തീർക്കാൻ നമുക്ക് ഓരോരുത്തർക്കും കഴിയട്ടെ... പുതിയൊരു വർഷം പുലരുമ്പോൾ ശരീരത്തിനും മനസ്സിനും ഒരുപോലെ ആരോഗ്യകരമായ ചില പുതിയ തീരുമാനങ്ങളെടുക്കാം...

01 പുതിയ സുഹൃത്തുക്കളെ ഉണ്ടാക്കാം

പുതുവർഷത്തിൽ മൂന്ന് പുതിയ ആത്മസുഹൃത്തുക്കളെ എങ്കിലും കണ്ടെത്തുക എന്ന തീരുമാനമെടുക്കാം. 1938ൽ ഹാർവഡ് സർവ കലാശാലയിൽ ആരംഭി ച്ച പഠനമാണ് 'ഹാർവഡ് മാനവ വികസന പഠനം. ഹാർവഡിൽ വിദ്യാർഥികളായി എത്തിയ വ്യക്തികളുടെ ജീവിതത്തിൽ നടന്ന പ്രധാന സംഭവവികാ സങ്ങളെല്ലാം സമഗ്രമായി വിലയിരുത്തിയ ഒരു പഠനമായിരുന്നു ഇത്. മനുഷ്യന്റെ ആയുർദൈർഘ്യം വർധിപ്പിക്കുന്ന അഞ്ച് ഘടകങ്ങൾ ഈ പഠനത്തിലൂടെ പുറത്തു വന്നു. ഒരു വ്യക്തിയുടെ ആയുസ് ഏറ്റവും അധികം വർധിപ്പിക്കുന്ന ഘടകം കുട്ടിക്കാലത്തും ചെറുപ്പകാലത്തും നാം വികസിപ്പിക്കുന്ന വ്യക്തിബന്ധങ്ങളുടെ ഗുണനിലവാരമാണ് എന്നതാണ് ഏറ്റവും ശ്രദ്ധേയമായ കണ്ടെത്തൽ ഊഷ്മളമായ വ്യക്തിബന്ധങ്ങൾ തലച്ചോ റിലെ രാസഘടനയിൽ ഗുണപരമായ വ്യതിയാനങ്ങൾ ഉണ്ടാക്കുക വഴി രോഗ പ്രതിരോധശക്തിയും ശാരീരിക മാനസിക ആരോഗ്യവും മെച്ചപ്പെടുത്തുന്നതായി പിന്നീടും നിരവധി പഠനങ്ങൾ തെളിയിച്ചിട്ടുണ്ട്. അക്കാരണം കൊണ്ടുതന്നെ വിദ്യാർഥികളും യുവാക്കളും പുതിയ സുഹൃത്തുക്കളെ ഉണ്ടാക്കുക എന്ന ഉദ്യമത്തിൽ ഏർപ്പെടുന്നത് ഗുണകരമാണ്.