ગાંધી કોર્પોરેશન - ઇવેન્ટ મેનેજમેન્ટના મહારથી

છેલ્લાં કેટલાંય વર્ષોથી અમદાવાદના સી.જી. રોડ પર સ્થાયી ગાંધી કોર્પોરેશને આજે દેશની ઇવેન્ટ મૅનેજમૅન્ટની દુનિયામાં એક મોખરાનું સ્થાન મેળવ્યું છે. દરેક કામ ચીવટતાથી કરનારા તેઓ ડેકોરેશનના ક્ષેત્રમાં નાનામાં નાની બાબતોનો ખ્યાલ રાખી ગ્રાહકને તેના બજેટમાં મનગમતું કામ કરી આપે છે

સક્સેસ મંત્ર

“કંપની ગ્રાહકોના મનના વિચારોને સુંદર રીતે પ્રેઝન્ટ કરે છે. સખત પરિશ્રમનો કોઈ વિકલ્પ નથી. ક્વૉન્ટિટી કરતાં ક્વૉલિટીમાં ધ્યાન આપે છે.”

શરૂઆત

આજે પ્રસંગ નાનો હોય કે મોટો, દરેક વ્યક્તિ પોતાના પ્રસંગને યાદગાર બનાવવા માટે તેની સજાવટ પર વિશેષ ધ્યાન આપતા હોય છે. આ માટે સારામાં સારા ઇવેન્ટ પ્લાનર પર પસંદગી ઉતારીને લાખો રૂપિયા ખર્ચતા હોય છે. અમદાવાદ શહેરમાં પણ માંગ વધવાની સાથે માર્કેટમાં ઘણા બધા ઇવેન્ટ પ્લાનર પોતાની અવનવી ડિઝાઇનના ખજાના સાથે જોવા મળે છે. લોકોના વિચારો અને સપનાંઓને રિયલ લાઇફમાં સાકાર કરી બતાવનાર જ સફળતા મેળવી ઇવેન્ટ મૅનેજમૅન્ટમાં મહારથી પુરવાર થાય છે, આવું જ એક નામ ‘ગાંધી કોર્પોરેશન’નું છે, જે પોતાની કાર્યનિષ્ઠા અને સર્જનાત્મકતાને લીધે આજે ગુજરાતમાં જ નહિ, પરંતુ દેશભરમાં પોતાનું નામ એક બ્રાન્ડ તરીકે સ્થાપિત કરી શક્યા છે.

છેલ્લાં કેટલાંય વર્ષોથી અમદાવાદના સી.જી. રોડ પર સ્થાયી ગાંધી કોર્પોરેશને આજે દેશની ઇવેન્ટ મૅનેજમૅન્ટની દુનિયામાં એક મોખરાનું સ્થાન મેળવ્યું છે. દરેક કામ ચીવટતાથી કરનારા તેઓ ડેકોરેશનના ક્ષેત્રમાં નાનામાં નાની બાબતોનો ખ્યાલ રાખી ગ્રાહકને તેના બજેટમાં મનગમતું કામ કરી આપે છે. ગાંધી કોર્પોરેશનના ઓનર હેમુ ગાંધીના પિતાજી નવીનચંદ્ર હીરાલાલ સામાન્ય કરિયાણાની દુકાન ધરાવતા હતા. જેમનું મુખ્ય કામ લગ્ન જેવા શુભ પ્રસંગોમાં કરિયાણું પૂરું પાડવાનું હતું. હેમુભાઈ પણ તેમની સાથે તેમના વ્યવસાયમાં મદદરૂપ થતા. નાનપણથી જ બિઝનેસના પાઠ શીખેલા હેમુભાઈએ પોતાના વિચારોના ઘોડા દોડાવ્યા. તેમણે વિચાર્યું કે વર્ષમાં લગ્નની સિઝનના ૪૦ દિવસને બાદ કરતાં બાકીના દિવસોમાં શું કરવું. ગામમાં દિવાળી, નવરાત્રી, ગણેશોત્સવ અને વૅકેશનમાં યોજાતા મેળામાં ડેકોરેશનની જરૂર પડતી.