રાજકાજ

કોરોના વેક્સિનની સાઇડ ઇફેક્ટ વધુ પડતી શંકાઓ નિરર્થક

કોરોના વેક્સિનની સાઇડ ઇફેક્ટ વિશે ફરી એકવાર ચર્ચા થઈ રહી છે. કોવિશિલ્ડ વેક્સિન બનાવનારી એસ્ટ્રાજેનેકા કંપની દ્વારા બ્રિટનની એક અદાલતમાં એ વાતનો સ્વીકાર કરવામાં આવ્યો કે કોવિશિલ્ડ વેક્સિન સાઇડ ઇફેક્ટ થાય છે અને કેટલાક કેસમાં લોહી ગંઠાઈ જવાની સમસ્યા સર્જાય છે. ફેબ્રુઆરી ૨૦૨૪માં કંપનીએ આ એકરાર કર્યો હતો, તેને ભારતમાં અત્યારે ચૂંટણીના માહોલમાં વિવાદનો વિષય બનાવવાની તૈયારી કેટલાક લોકોએ કરી છે. ખાસ કરીને સરકારને ભીંસમાં લેવાનો એક અસરકારક મુદ્દા તરીકે તેને ઉછાળવાનો પ્રયાસ થયો છે, પરંતુ વેક્સિન બનાવનાર અને તબીબી ક્ષેત્રના નિષ્ણાતો તેમ જ કેટલાક ડૉક્ટરોએ સ્પષ્ટ કર્યું છે કે કંપનીએ જે એકરાર કર્યો છે તે બધા કેસમાં બધાને અસરકર્તા નથી. લગભગ દસ લાખ કેસમાં બે પાંચ લોકોને એમની અન્ય બીમારી અને તાસીરના કારણે સાઇડ ઇફેક્ટ થવાની શક્યતાઓ રહે છે.