ફેમિલી ઝોન ફેશન

ટેક્સટાઇલ વેસ્ટ અને ગ્લોબલ વોર્મિંગ રિસાઇકલ અને રિયુઝ

ઇતિહાસમાં પાનીપત યુદ્ધ મેદાન તરીકે જાણીતું છે. પાનીપતમાં જુદા-જુદા સમયે ત્રણ વાર યુદ્ધ ખેલાયું, પણ સૌથી મહત્ત્વનું યુદ્ધ રહ્યું વર્ષ ૧૫૨૬માં લોધી અને બાબર વચ્ચે ખેલાયેલું યુદ્ધ. આ યુદ્ધમાં બાબરનો વિજય થયો અને આ વિસ્તારમાં ઓફિશિયલી મુઘલ સામ્રાજ્યનો પાયો નખાયો. ત્યાર બાદ બે જુદાં-જુદાં યુદ્ધનું સાક્ષી પાનીપત રહ્યું. ટૂંકમાં ઇતિહાસના પાનામાં પાનીપતે યુદ્ધના સમરાંગણ તરીકેની ઓળખ મેળવી હતી. હવે આ ઓળખ ભૂંસાઈ રહી છે, એમ કહેવા કરતાં પાનીપત અન્ય કારણસર વિશ્વમાં જાણીતું બની રહ્યું છે એમ કહેવું યોગ્ય રહેશે, કારણ કે જ્યાં સુધી યુદ્ધનો ઇતિહાસ અકબંધ રહેશે ત્યાં સુધી પાનીપતના યુદ્ધની વાતો થતી જ રહેશે, પણ હવે પાનીપત વિશ્વના કાસ્ટ ઓફ કેપિટલ તરીકેની ઓળખ વધુ મજબૂતાઈથી સ્થાપિત કરી રહ્યું છે.