સાંસ્કૃતિક-આધ્યાત્મિક મૂલ્યોનું ઊર્જાકેન્દ્ર

પ્રમુખસ્વામી એમના આધ્યાત્મિક અનુગામી મહંતસ્વામી સાથે.

વડોદરા નજીક પાદરા તાલુકામાં ગામ ચાણસદમાં દિવાળીબહેન અને મોતીલાલ પ્રભુદાસ પટેલને ઘેર વિક્રમ સંવત ૧૯૭૮, માગશર સુદ આઠમ અને ૭ ડિસેમ્બર, ૧૯૨૧ના રોજ અવતરેલા શાંતિલાલે ૧૦ જાન્યુઆરી, ૧૯૪૦ના રોજ ૧૯ વર્ષની વયે દીક્ષા લઈ ધરમનો માર્ગ અપનાવ્યો. દીક્ષાર્થી નામઃ નારાયણસ્વરૂપદાસ સ્વામી. ૨૧ મે, ૧૯૫૦ના રોજ બીએપીએસના સ્થાપક શાસ્ત્રીજી મહારાજે એમને સંસ્થાના પ્રમુખ બનાવ્યા. એ રીતે નારાયણસ્વરૂપદાસ સ્વામીને મળી ઓળખઃ પ્રમુખસ્વામી મહારાજ.