கீழடி அருங்காட்சியகத்தை திறந்துவைத்தார் முதல்வர்

சிவகங்கை மாவட்டம், கீழடி அகழாய்வில் கண்டெடுக்கப்பட்ட தொல்பொருள்களை மக்களுக்கு காட்சிப்படுத்தும் வகையில், தமிழக அரசால் அமைக்கப்பட்ட கீழடி அருங்காட்சியகத்தை முதல்வர் மு.க. ஸ்டாலின் ஞாயிற்றுக்கிழமை மாலை திறந்து வைத்தார்.

கீழடியில் கடந்த 2014-ஆம் ஆண்டு முதல் மேற்கொள்ளப்பட்ட அகழாய்வில் ஹரப்பா, மொகஞ்சதாரோ நாகரிகங்களுக்கும் முற்பட்ட 2,600 ஆண்டுகள் பழைமை வாய்ந்த சுமார் 15,000-க்கும் மேற்பட்ட தொல்பொருள்கள் கண்டெடுக்கப்பட்டன. தமிழர்களின் தொன்மை நாகரிகத்துக்குச் சான்றாகக் கிடைக்கப் பெற்ற இந்தத் தொல்பொருள்களை பொதுமக்களுக்கு காட்சிப்படுத்த தமிழக அரசு சார்பில், ரூ. 18.43 கோடியில் கீழடி யில் அருங்காட்சியகம் அமைக்கப்பட்டது.