மகளிர் உரிமைத்தொகை திட்டம்

முதல்வர் மு.க.ஸ்டாலின் தொடங்கிவைத்தார்

தருமபுரி, ஜூலை 24: தமிழக மகளிரின் வாழ்வில் 'கலைஞரின் மகளிர் உரிமைத்தொகை திட்டம் ஏற்றத்தை ஏற்படுத்தும் என தமிழக முதல்வர் மு.க.ஸ்டாலின் தெரிவித்தார்.

மகளிருக்கு மாதந்தோறும் ரூ.1000 வழங்கும் மகளிர் உரிமைத் தொகை திட்டத்தை அவர் தரும் புரி மாவட்டம், தொப்பூரில் திங் கள்கிழமை தொடங்கிவைத்தார்.

திமுகவின் தேர்தல் வாக்குறுதிகளுள் ஒன்றான, மகளிருக்கு மாதந்தோறும் ரூ.1000 உதவித் தொகை வழங்கும் திட்டம் 'கலைஞரின் மகளிர் உரிமைத்தொகை திட்டம்' என்ற பெயரில் தமிழகத்தில் செயல்படுத்தப்படுகிறது. இத்திட்டத்துக்கான விண்ணப்பங்களைப் பதிவு செய்யும் பணியைத் தொடங்கி வைக்கும் நிகழ்ச்சி, தருமபுரி மாவட்டம், தொப்பூரில் திங்கள்கிழமை நடைபெற்றது.

தொப்பூர் அரசுப் பள்ளியில் காலை 9.30 மணிக்கு மகளிர் உரிமைத்தொகை திட்ட விண்ணப்பங்களை குடும்பத் தலைவிகளிடமிருந்து பெற்று மின்னணு முறையில் பதிவு செய்யும் பணியை முதல்வர் தொடங்கி வைத்துப் பார்வையிட்டார். பிறகு விண்ணப்பதாரர்களிடம் கலந்துரையாடினார்.

தொடர்ந்து, காலை 9.45 மணிக்கு மகளிர் சுயஉதவிக் குழுவினரிடம் கலந்துரையாடிய அவர், காலை 10 மணிக்கு பெண்களுக்கான மருத்துவ முகாமைப் பார்வையிட்டார். இதையடுத்து, தொப்பூரில் நடைபெற்ற விழாவில் முதல்வர் மு.க.ஸ்டாலின் பேசியதாவது: