શ્રીનંદનગરમાં મહિલાની છરીના ઘા ઝીંકી હત્યા કરી હોવાનો PM રિપોર્ટમાં ખુલાસો

હત્યારાને પકડવા માટે પોલીસે અલગ અલગ ટીમો બનાવીઃ સીસીટીવી ફૂટેજ મળતાં હવે હત્યારો પોલીસથી હાથવેંત જ દૂર

અમદાવાદ, સોમવાર

શહેરના વેજલપુર વિસ્તારમાં આવેલા શ્રીનંદનગર ફ્લેટમાં શુક્રવારે સાંજે મળી આવેલી મહિલાની ફોગાઇ ગયેલી લાશનો ભેદ પોસ્ટમોર્ટમ રિપોર્ટ ખોલી દીધો છે. મહિલાની હત્યા છરીના ઘા ઝીંકીને કરવામાં આવી હોવાનો રિપોર્ટ ડોક્ટરોએ પોલીસને આપતાં તપાસ તેજ કરવામાં આવી છે. પોલીસની પ્રાથમિક તપાસમાં હત્યા પાછળ પ્રેમ પ્રકરણ હોવાનું સામે આવ્યું છે. હત્યારાને પકડવા માટે પોલીસ અલગ અલગ ટીમોની રચના કરી છે અને ગુજરાત બહાર પણ તપાસ માટે ગઇ છે.

વેજલપુર વિસ્તારમાં આવેલા શ્રીનંદનગર ફ્લેટમાં દુર્ગંધ મારતી હોવાથી સ્થાનિકોએ પોલીસ કંટ્રોલ રૂમમાં ફોન કર્યો હતો. ઘટનાની ગંભીરતા લઇને સ્થાનિક પોલીસ તેમજ ઉચ્ચ અધિકારીઓ ઘટના સ્થળે પહોંચી ગયા હતા. જ્યાં વિભાગ ૨માં એનબ્લોકના ફ્લેટ નંબર ૧૦૪માંથી દુર્ગંધ આવી રહી હતી. પોલીસ દરવાજાનું તાળું તોડીને ઘરમાં ગઈ હતી જ્યાં ફોગાઇ ગયેલી હાલતમાં મહિલાની લાશ પડી હતી. વેજલપુર પોલીસે પહેલાં અકસ્માતે મોતનો ગુનો દાખલ કરીને તે લાશને પોસ્ટમોર્ટમ માટે હોસ્પિટલમાં મોકલી આપી હતી.