યુપીના ૧૫ જિલ્લામાં આંધી-તોફાન સાથે ભારે વરસાદનું એલર્ટ જારી

ફરી પ્રચંડ પૂરનો ખતરો: સીએમ યોગીના આદેશ બાદ અધિકારીઓ દોડતા થયા

લખનૌ, સોમવાર

દેશનાં કેટલાંક રાજ્યમાં સતત મુશળધાર મેઘવર્ષા થઇ રહી છે ત્યારે યુપીમાં ચોમાસાએ જોરદાર કમબેક કર્યું છે. હવામાન વિભાગના અનુમાન અનુસાર યુપીમાં આગામી ત્રણ દિવસ સુધી આંધી અને તોફાન સાથે ભારે વરસાદનું એલર્ટ છે. ઉત્તરપ્રદેશ, હિમાચલપ્રદેશ અને ઉત્તરાખંડમાં ૨૦ સપ્ટેમ્બર સુધી વરસાદી માહોલ બની રહેશે. ઓડિશાના ભુવનેશ્વર, કોરાપુટ, મલ્કાનગીરી સહિત અનેક જિલ્લામાં આગામી ત્રણ દિવસ ભારે વરસાદની આગાહી છે.