ચૂંટણી સાથે લગ્નોત્સવની તડામાર તૈયારી મેરેજહોલ-પાર્ટીપ્લોટ-કેટરર્સનાં બુકિંગ ફૂલ

મંગળફેરા અને મતદાન સાથે હોઈ શહેરમાં આયોજિત ૩૫ હજાર લગ્ન ચૂંટણી ઉમેદવારો માટે ચિંતાનાં કારણ

અમદાવાદ, શુક્રવાર

દેવદિવાળી બાદ શહેરમાં લગ્ન સિઝન પુરબહારમાં ખીલી ઊઠી છે. ચૂંટણી સાથે સાથે લગ્નોત્સવ માટેની પણ તડામાર તૈયારીઓ ચાલી રહી છે શહેરમાં મેરેજ હોલ, જ્ઞાતિઓની વાડી અને પાર્ટીપ્લોટ અત્યારથી જ લગ્ન માટે બુક થઈ ગયાં છે તો કેટલાકને છેલ્લી ઘડીએ લગ્ન માટેનાં વેન્યૂ બદલવાની ફરજ પડી છે, કારણકે ચૂંટણીને અનુલક્ષીને કેટલાક સરકારી હોલ ખાલી કરવા પડી શકે તેમ છે. તે માટે લોકોએ ચૂંટણી જાહેર થતાં જ નવા વેન્યૂ શોધી લીધાં છે. જો કે છેલ્લી ઘડીએ નવાં વેન્યૂ માટે લોકોને વધુ પૈસા ખર્ચવા પડ્યા છે અને મનપસંદ વેન્યૂ તો ય નહીં મળતાં કચવાટ સાથે નવા વેન્યૂ બુક કરાવવા પડયા છે. બીજી તરફ મંગળફેરા અને મતદાન સાથે હોઈને શહેરમાં આયોજિત ૩૫ હજાર લગ્નો ચૂંટણી ઉમેદવારો માટે ચિંતાનાં કારણ બની શકે છે