કાશ્મીરમાં આ વર્ષે અત્યાર સુધીમાં ૫૬ વિદેશી આતંકીઓનો ખાતમો

બારામુલામાં આઈઈડી જપ્તઃ બોમ્બ સ્કવોડ ઘટનાસ્થળે પહોંચી

જમ્મુ, મગળવાર

જમ્મુ કાશ્મીર કેન્દ્ર શાસિત પ્રદેશ બન્યા બાદ હવે તેની અસર દેખાવા લાગી છે. તાજેતરમાં આતંકવાદીઓને લઇને જે આંકડા જમ્મુ-કાશ્મીર પોલીસે જારી કર્યા છે તેના પરથી તો એવું લાગી રહ્યું છે. જમ્મુ-કાશ્મીરના ડીજીપી દિલબાગસિંહ જણાવ્યું કે સંઘ શાસિત પ્રદેશમાં આ વર્ષે અત્યાર સુધીમાં સુરક્ષાદળોની કાર્યવાહીમાં ૫૬ વિદેશી આતંકવાદી માર્યા ગયા છે. તેમણે કહ્યું કે આ વર્ષે આતંકવાદી આ સંગઠનોમાં સામેલ થનારા ૧૦૨ સ્થાનિક યુવાનોમાંથી ૮૬ મૃત્યુ પામ્યા છે.