વાહન ચેકિંગ દરમિયાન પોલીસને સફળતાઃ ર૭ ઈ-સિગારેટ સાથે વિધાર્થી ઝડપાયો

મોજશોખ માટે વિધાર્થીએ ઈન્સ્ટાગ્રામ પર જાહેરાત વાંચીને ઈ-સિગારેટ મંગાવી લીધી હતી

ઇ-સિગારેટ પીવાનો ક્રેઝ હજુ પણ યંગસ્ટર્સમાં હોય તેવું લાગી રહ્યું છે. ગઇ કાલે વસ્ત્રાપુર પોલીસે વાહન ચેકિંગ દરમિયાન એક વિદ્યાર્થીની ધરપકડ કરી છે, જેની પાસેથી એકાદ-બે નહીં, પરંતુ ૨૭ ઇ-સિગારેટનો જથ્થો મળી આવ્યો હતો. ઇ-સિગારેટ પર રાજ્ય સરકારે બેન કર્યો હોવાથી યંગસ્ટર્સ અલગ અલગ રીતે ઇ-સિગારેટ મંગાવી રહ્યાં છે. વિદ્યાર્થીએ ઇન્સ્ટાગ્રામ પર ઇ-સિગારેટની જાહેરાત જોયા બાદ ઓનલાઇન ઓર્ડર કર્યો હતો. ઓર્ડર કર્યા બાદ વિદ્યાર્થીએ ૨૭ હજાર રૂપિયાની ૨૭ ઇ-સિગારેટની ખરીદી કરી હતી.