રેઈની સીઝનમાં ઈમ્યૂનિટી વધારો

વરસાદની મોસમમાં તમે અને તમારો પરિવાર રહેશો સ્ટ્રોંગ, પરંતુ કેવી રીતે તે અમે તમને જણાવીએ છીએ..

મોનસૂનનું આગમન નજીકમાં છે અને ગરમીથી થોડા સમયમાં રાહત મળવાની છે. મન ભરીને આ મોસમ માણી લેવાની ખૂબ ઈચ્છા થાય છે, ફ્રેન્ડ્સ અને સ્વજનો સાથે આ મોસમમાં મસ્તી કરવા માટે મન ઉત્સુક થઈ જાય છે. જોકે આ મોસમમાં ખાવાપીવાની એક અલગ મજા હોય છે, પરંતુ આ મોસમમાં જેટલો આનંદ મળે છે, તેટલી જ જરૂરી છે આ મોસમમાં પોતાની ઈમ્યૂનિટીને બૂસ્ટ કરવાની, કારણ કે વરસાદની મોસમમાં ઈંફેક્શન તથા ફ્લૂ જેવી બીમારીનું જોખમ વધારે રહે છે.

આ સ્થિતિમાં સ્ટ્રોંગ ઈમ્યૂનિટી ધરાવતી વ્યક્તિ હેલ્ધી લાઈફ જીવવાની સાથેસાથે બીમારીને પોતાની પર હાવી થતા અટકાવી શકે છે.

આવો જાણીએ આ સંબંધમાં વાશીની ફોર્ટિસ હીરાનંદાની હોસ્પિટલના ઈન્ટરનલ મેડિસિન વિભાગના ડાયરેક્ટર ડો. ફરાહ ઈંગલે પાસેથી: 

શું છે ઈમ્યૂનિટી

ઈમ્યૂનિટી જેને રોગપ્રતિકારક ક્ષમતા પણ કહેવામાં આવે છે, તે શરીરની આંતરિક પ્રતિરક્ષા પ્રણાલી હોય છે, જે શરીરને બાહ્ય નુકસાનકારક તત્ત્વોથી સુરક્ષા પ્રદાન કરવામાં મદદ કરે છે. જેમાં કોઈ વાયરસ કે બેક્ટેરિયા શરીર પર હુમલો કરે છે, ત્યારે આ પ્રતિરક્ષા પ્રણાલી તેમની પર હુમલો કરવા માટે સક્રિય બની જાય છે. જોકે આ પ્રક્રિયા થોડીક મુશ્કેલ હોય છે, કારણ કે આ કાર્યમાં અલગઅલગ પ્રકારની કોશિકા જોડાયેલી હોય છે, જે બાહ્ય તત્ત્વોથી શરીરને સુરક્ષા પ્રદાન કરીને તેને હેબ્ધિ બનાવવાની કોશિશ કરે છે.

આમ તો ઈમ્યૂનિટી અનેક પ્રકારની હોય છે જેમ કે એક્ટિવ ઈમ્યૂનિટી. તે આપણા શરીરને ત્યારે મળે છે જ્યારે આપણે કોઈ બેક્ટેરિયા કે વાયરસના સંપર્કમાં આવીએ છીએ. આ સ્થિતિમાં આપણને પહેલાંથી મળેલી એન્ટિબોડી તથા ઈમ્યૂન સેલ્સ આ બાહ્ય તત્ત્વોને નષ્ટ કરવામાં લાગી જાય છે.

ઈમ્યૂનિટીનો બીજો પ્રકાર છે પેસિવ ઈમ્યૂનિટી, જેમાં વાયરસ વગેરે સામે સુરક્ષા પ્રદાન કરવા માટે બાહ્ય મદદથી એન્ટિબોડી પ્રદાન કરવામાં આવે છે, પરંતુ શરીર ત્યારે બાહ્ય તત્ત્વો સામે લડવામાં સક્ષમ બની શકે છે, જ્યારે તે અંદરથી સ્ટ્રોંગ હોય અને શરીરને અંદરથી સ્ટ્રોંગ બનાવવા માટે જરૂરી છે સારા આહારની સાથેસાથે કેટલીક હેલ્વિ હેબિટ અપનાવવાની, તેમાં પણ ખાસ તો મોનસૂનની મોસમમાં.

ઈટ રાઈટ ફૂડ