હેરિટેજ ફેશન શો

વિમેન્સનો બમણો ઉત્સાહ

- પ્રતિનિધિ

સમ્યક વિમેન્સ ક્લબ દ્વારા તાજેતરમાં હેરિટેજ ફેશન શો યોજાઈ ગયો. આ ફેશન શોમાં કોઈ પ્રોફેશનલ મોડલ નહીં, પરંતુ ક્લબની મહિલાઓ દ્વારા જ ભાગ લેવામાં આવ્યો. આ ફેશન શોમાં કુલ ૪૨ મહિલાઓએ અવનવા કોસ્ચ્યુમ પહેરીને રેમ્પવોક કર્યું હતું. આ ફેશન શોની ખાસિયત એ હતી કે આપણી સંસ્કૃતિને અનુરૂપ પાટણના પટોળા, જામનગરની બાંધણી, ઘરચોળા, મારવાડી ચોલી, અવનવી સાડીઓ પહેરીને મહિલાઓએ પોતાના આગવા અંદાજમાં કેટવોક કરીને મોજ કરી હતી. આ તમામ મહિલાઓમાં કોઈ શિક્ષક, કોઈ ડોક્ટર, કોઈ બ્યૂટિ પ્રોડક્ટનાં ઓનર, ઈમિટેશન જ્વેલરીના બિઝનેસ સાથે સંકળાયેલ પ્રોફેશનલ વિમેન્સે ઉત્સાહથી ભાગ લીધો. આ સિવાય એપ્રિલ મહિનામાં જે વિમેન્સનો બર્થડે હોય તેમના માટે કેક કટિંગથી યાદગાર સેલિબ્રેશન પણ કરવામાં આવ્યું. તે પછી હાઉસી ગેમ રમાડવામાં આવી. રોજિંદા જીવનમાં વ્યસ્ત રહેતી આ મહિલાઓ જીવનને ભરપૂર રીતે માણે એ જ આ ક્લબનો ઉદ્દેશ્ય રહ્યો છે, જે તાદેશ થતો લાગ્યો.