അന്ന് ലാൽജോസ് സാർ പറഞ്ഞ വാക്കുകൾ - ശ്രവണ ബാബുനാരായണൻ

സിനിമയ്ക്കൊപ്പം യുവകുസുമങ്ങൾ

പുതിയ വിശേഷങ്ങൾ

 ഏറ്റവും പുതിയ സിനിമാ വിശേഷം എന്നുപറഞ്ഞാൽ, വടക്കുംനാഥന്റെ ഡയറക്ടർ, ഷാജൂൺ കാര്യാൽ സാർ, സംവിധാനം ചെയ്ത മൃദു ഭാവേ ദൃഢ കൃത്യേ എന്ന ചിത്രമാണ്. തിയേറ്ററുകളിൽ നല്ല പ്രതികരണം ലഭിച്ചിരു ന്നു. അതിന്റെ സന്തോഷത്തിലും ഹാങ്ങോവറിലുമാണ് ഇപ്പോഴും. മറ്റുചില വർക്കുകൾ ഒക്കെയും നടക്കുന്നു. അത് അധികം വൈകാതെ പ്രേക്ഷകരുടെ മുന്നിലേക്ക് എത്തും. അതാണ് ഏറ്റവും പുതിയ വിശേഷം.

സിനിമ അരങ്ങേറ്റം

സിനിമയിലേക്കുള്ള വരവ് തീർച്ചയായും വളരെ യാദൃച്ഛി കവും ഒരു ദൈവാധീനം കൊണ്ടും ഭാഗ്യം കൊണ്ടും ലഭിച്ചതാണെന്ന് പറയാം. ഒരു പ്രോഗ്രാമിൽ ഞാൻ ചെയ്തി ട്ടുള്ള പെർഫോമൻസ് കണ്ടിട്ട് നന്നായിട്ടുണ്ടെന്ന് ആ ഇവന്റിൽ വച്ച് ലാൽജോസ് സാർ പറഞ്ഞിരുന്നു. ഞാൻ ആ സമയത്ത് ഡിഗ്രി ചെയ്യുകയായിരുന്നു. അന്ന് അദ്ദേഹം വളരെ എൻകറേജ് ചെയ്ത് പറഞ്ഞിരുന്നു, ഭാഗ്യമുണ്ടങ്കിൽ നമുക്ക് ഒരു നായികയെ ലഭിച്ചേക്കാം എന്ന്. അത് കേട്ടപ്പോൾ ഒത്തിരി സന്തോഷമായി. അന്ന് കസിൻസ് ഒക്കെയും എന്നെ അഭിനന്ദിച്ചിട്ടുണ്ടായിരുന്നു. ഞങ്ങൾ എല്ലാവരും ഭയങ്കര ഹാപ്പി ആയിരുന്നു അന്ന്.