ഏറ്റവും പ്രിയപ്പെട്ട എന്നോട്

ഒരു വർഷം, ഒരു ലക്ഷത്തിനടുത്ത് കോപ്പികൾ.. ഏറ്റവും പ്രിയപ്പെട്ട നിമ്ന വിജയ് പറയുന്നു

- ബിന്ദു പി.പി

'ഞാൻ കൂലിപ്പണിക്ക് പോകുന്ന ഒരു സാധാരണക്കാരനാണ്. എന്റെ കൂലിയുടെ ഒരു ഭാഗം മാറ്റിവച്ച് ഞാൻ കള്ളോ മറ്റ് ലഹരികളോയല്ല വാങ്ങിയത്. നിമ്നയുടെ ഏറ്റവും പ്രിയപ്പെട്ട എന്നോട്' ആണ്. ഇത് കേൾക്കുന്ന എഴുത്തിൽ തുടക്കക്കാരിയായ നിമ്നവിജയുടെ കണ്ണും മനസ്സും നിറയുകയാണ്. ആരൊക്കെ എവിടെ നിന്നും തളർത്താൻ ശ്രമിച്ചാലും തന്റെ പുസ്തകത്തിന്റെ മാർക്കറ്റിംഗ് ഓരോ ദിവസം കൂടുന്തോറും നിമ്നയുടെ എഴുത്തിന്റെ യാത്രയിൽ ഇന്ധനമാകുന്നു. ഒരു കൂട്ടം ആൾക്കാരിൽ മാത്രം ഒതുങ്ങി നിന്നിരുന്ന വായന ആർക്കും വായിക്കാം, ആർക്കും ആസ്വദിക്കാം എന്ന തരത്തിൽ ഭാഷയെ സിംപിളാക്കി... സോഷ്യൽ മീഡിയ ഇടങ്ങളിൽ ട്രെൻഡിംഗായി മാറിയ 'ഏറ്റവും പ്രിയപ്പെട്ട എന്നോട്' എന്ന പുസ്തകത്തിന്റെ പ്രിയപ്പെട്ട എഴുത്തുകാരി നിമ വിജയ് തന്റെ യാത്രയെക്കു റിച്ച് സംസാരിക്കുന്നു.

പുതിയ സ്ട്രാറ്റർജികളും മാർക്കറ്റും