മെഹന്തിയിൽ വിടരുന്ന കനവുകൾ

മെഹന്തി റിമൂവ് ചെയ്യുമ്പോൾ വെള്ളം, സോപ്പ് ഇവ ഉപയോഗിക്കാതിരിക്കുക

- കാർത്തിക

കുഞ്ഞുന്നാൾ മുതലേ കൈകളിൽ മൈലാഞ്ചി ചോപ്പണിഞ്ഞവരോട് ഒരിഷ്ടമായി രുന്നു. അവരുടെ വിരലുകളും നഖവും കൈവെള്ളയുമെല്ലാം കൗതുകത്തോടെ നോക്കിയിരിക്കും. മലബാറിൽ നിന്നും തിരുവി താംകൂറിലേക്ക് വരുന്ന മുസ്ലീം കുട്ടികളുടെ കൈകളിലെല്ലാമായിരുന്നു ആദ്യമൊക്കെ പുതിയ ഡിസൈനുകൾ ഞങ്ങൾ കണ്ടിരുന്നത്.

കയ്യിലെ മൈലാഞ്ചി കോണുകൾ അടക്കിവയ്ക്കുന്നതിനിടയിൽ നൗഫിയ പറഞ്ഞു.

ഞാനും നസുവും ഒരു നേരമ്പോക്കിന് തുടങ്ങിയതാണ് മൈലാഞ്ചി ഇടൽ. ഇന്ന് അത് ഇത് വിപുലമാകുമെന്ന് ഞങ്ങൾ രണ്ടുപേരും സ്വപ്നത്തിൽ പോലും കരുതിയില്ല.

തുടക്കം സഹോദരിയിൽ നിന്ന്

ബി.ടെക് കഴിഞ്ഞ ലൈലത്തുൽ നസൂഹ ന സു)യും എം.എ. സൈക്കോളജിക് പഠിച്ചുകൊണ്ടിരിക്കുന്ന അനിയത്തി നൗഫിയ പൂപ്പിയും സാധാരണ പെരുന്നാളിന് മൈലാഞ്ചി ഇടുന്നതു പോലെ അന്നും രണ്ടുപേരും മൈലാഞ്ചി പരസ്പരം ഇട്ടു. ആ പെരുന്നാളിന് ഇട്ട മൈലാഞ്ചിയുടെ ഡിസൈൻ എല്ലാവർക്കും ഇഷ്ടമായി. ഏറ്റവും അടുത്ത കൂട്ടുകാർക്കും ബന്ധുക്കൾക്കുമെല്ലാം മൈലാഞ്ചിയിട്ട കരങ്ങളുടെ പടങ്ങൾ അയച്ചു കൊടുത്തു. പലരും ചോദിച്ചു ഞങ്ങൾക്കും ഇതുപോലെ ഇട്ട് തരുമോ എന്ന്. അങ്ങനെ അടുത്ത കൂട്ടുകാർക്കും ബന്ധുക്കൾക്കുമെല്ലാം മെഹന്തി ഇട്ടു തുടങ്ങി. പലരും ഇൻസ്റ്റയിലും എഫ്.ബിയിലുമെല്ലാം ഷെയർ ചെയ്തു. അങ്ങനെ കൂട്ടുകാർക്കിടയിലും ബന്ധുക്കൾക്കിടയിലും വൈറലായി തുടങ്ങി.

ഇതൊരു ബിസിനസ്സാക്കിയാലോ എന്ന ചിന്തയൊന്നും മനസ്സിൽ ഉദിച്ചില്ല. ഞങ്ങളുടെ കുടുംബത്തിലെല്ലാവരും ഗവൺമെന്റ് ജോലിക്കാരായിരു ന്നു.