WTC ફાઇનલઃ આજે વરસાદના વિઘ્ન વચ્ચે કોહલી એન્ડ કંપની કમબેક કરી શકશે?

(એઝન્સી) સાઉથપ્ટન, સોમવારઃ કાઇલ જેમિસની શાનદાર બોલિંગ (પાંચ વિકેટ) અને ઓપનર ડેવોન કોનની અર્ધસદીની મદદથી ભારત સામે વર્લ્ડ ટેસ્ટ ચેમ્પિયનશિપ ફાઇનલનો ગઈ કાલનો દિવસ ન્યૂઝીલેન્ડના નામે રહ્યો હતો.

ભારતીય ટીમ ૨૧૭ રન જ બનાવી શકી હતી. ન્યૂઝીલેન્ડે ગઈ કાલની રમત પૂરી થઈ ત્યાં સુધીમાં બે વિકેટે ૧૦૧ રન બનાવી લીધા છે. ગઈ કાલે ભારતીય બોલર્સને કિવી બોલર્સ જેવી સ્વિંગ નહોતી મળી, પરંતુ ભારતીય બોલર્સ સીમનો સારો ઉપયોગ કર્યો હતો. આ સ્થિતિમાં ભારતીય ક્રિકેટ ચાહકોના મનમાં એક સવાલ થાય છે કે શું ભારતીય ટીમ આ ઐતિહાસિક મેચમાં કમબેક કરી શકશે ખરી?