பத்தாம் விகடராமனின் ‘சுபிட்ச’ குதிரை

"இன்றிலிருந்து நீங்கள் அனைவரும் கைகளால்தான் நடக்க வேண்டும்".

- துவாரகா சாமிநாதன்

சுரை ஆழ அம்மி மிதப்ப வரையனய
யானைக்கு நீத்து முயற்கு நிலைஎன்ப
கானக நாடன் சுனை -

"அதுவே உங்களுக்கான வாழ்வின் வெளிச்சத்தை கொண்டு வரும்''.

"இன்றிலிருந்து எங்களது குருமார்கள் உங்களது வீடுகளுக்கே வந்து, தங்கள் அனைவரின் உழைக்கின்ற பாதங்களுக்கு பூஜை புனஸ்காரங்கள் செய்யவிருக்கின்றனர். ஆதலால்தான் சொல்கிறேன். நீங்கள் அனைவரும் இனி கைகளால்தான் நடக்க வேண்டும்."

"உழைப்பின் மூலதனமே கைகள்தான், கால்கள் இல்லை ஆகையால் சொல்கிறேன் நீங்கள் அனைவரும் கைகளைக் கொண்டே நடந்தால்தான் நமது நாட்டின் பொருளாதாரம் பெருகும். நான் காசிக்கு போய் தவம் செய்த போது இவற்றை எனக்கு போதித்தவரே நமது ஸ்வாமிஜிதான்" என்று நாட்டிலிருக்கும் அனைத்து ஏ.ஐ(A.I) - ரோபோக்களுக்கும் அறிவுறுத்தப்பட்டது.