கிருஷ்ணரும் சகாதேவனின் ஜோதிடத் திறமையும்

"சகாதேவா நீ செய்தது சரியா?" என்றார் கிருஷ்ணர்.

- பா.ஆசைத்தம்பி

"பகவானே நான் என்ன தவறு செய்தேன்? எனது மனதறிந்து எந்த தவறுமே செய்யவில்லையே...

"அப்படியா சகாதேவா!!! பின் எப்படி நடந்தது குருஷேத்திர போருக்கு துரியோதனனுக்கு நாள் குறித்த செயல்?"

"துரியோதனன் யாரென்று தெரியாதா உனக்கு? அவன் எவ்வளவு துரோகி என்பதை இன்றுவரையிலும் தெரியவில்லையா உனக்கு. அவனால் எத்தனை ஆண்டுகள் எவ்வளவு வேதனைகள் நீங்கள் அனைவரும் அனுபவித்தீர்கள்? இவ்வளவு வேதனைகளை அனுபவித்திருந்தும் துரியோதனனைப் பற்றி உனக்கு எதுவுமே தெரியாதா சகாதேவா? இல்லை உனக்கு மேல் யாருமே இல்லையென்று நினைத்துக் கொண்டிருக்கிறாயா?

பாண்டவர்களின் கடைசி மகன் நீதான். உன்னைவிட நான்கு பேர் முன்னரே பிறந்துவிட்டார்கள் உனக்கு அண்ணன்களாக... தெரியுமா சகாதேவா?

அறிவு அதிகமாக இருந்தால் உலகத்தைப் பற்றிய அனைத்து விவரங்களும் உனக்கு தெரிந்துவிடுமா... இல்லை அறிவை வைத்து மற்ற எல்லோரையும் வெற்றிகொள்ளலாம் என்று நினைத்துக் கொண்டிருக்கிறாயா?

மறுபடியும் கேட்கிறேன் ஏன் அப்படி செய்தாய் சகாதேவா?"

''பகவானே... உங்களுக்கு தெரியாத எதுவும் இந்த உலகத்தில் நடக்கவே முடியாது.

துரியோதனனுக்கு நான் உதவியது தவறாக இருக்கும் என்று நினைக்கிறீர்களா?

பகவானே நான் என்ன செய்வது? எனக்கு ஜோதிடம் பார்த்து சொல்ல தெரியும், அதனால் என்னை நெருங்கி யார் கேட்டாலும் ஜோதிடம் பார்த்து சொல்வதுதான் எனது நிலைப்பாடே.

இப்படித்தான் துரியோதனன் என்னை நெருங்கி குருஷேத்திர போரை எந்த நாளில் தொடங்கலாம் என்று ஜோதிடம் பார்த்து சொல்லுமாறு சகுனியோடு வந்து கேட்டுக்கொண்டான்.

எனக்கே துரியோதனனைப் பார்த்தவுடன் அதிசயமாகத்தான் இருந்தது. நான் பிறந்த நாள் முதல் இன்றுவரை எங்களுக்கு சதி செய்துகொண்டிருக்கும் ஒருவன் என்னை நெருங்கி போர் எந்த நாளில் தொடங்கலாம் என்று கேட்கும்போது எதிரியாக இருந்தாலும் அவனுக்கு சொல்லியே ஆக வேண்டும். ஒருவன் ஜோதிடம் தெரிந்த அறிவாளியாக இருந்தால் எப்படிபட்ட விரோதியும் அவனை நோக்கி வருவார்கள் என்று நினைத்தே எனக்குள் சிரித்துக்கொண்டேன்."

'அப்படியா சகாதேவா? உனக்கு ஜோதிடம் பார்க்க தெரிந்தால் எந்த துரோகிக்கும் ஜோதிடம் பார்ப்பாயா...?' "