உலகின் மிகப்பெரிய பவளப்பாறை!

இது லேட்டஸ்ட் கண்டுபிடிப்பு :

சுற்றுச்சூழல் அமைப்பில் மிகவும் மதிப்பு வாய்ந்த ஒன்றாக பவளப்பாறைகள் கருதப்படுகின்றன.

உலகம் முழுவதும் உள்ள கடலின் பரப்பளவில் ஒரு சதவீதத்தை பவளப்பாறைகள் தம்வசம் வைத்திருக்கின்றன.

மட்டுமல்ல, 25 சதவீத கடல்வாழ் உயிரினங்களின் வாழ்வாதாரத்துக்குப் பவளப்பாறைகள்தான் உறுதுணையாக இருக்கின்றன.

இதுபோக பூமியின் தடங்கல் இல்லாத செயல்பாட்டுக்கும், அதன் ஆரோக்கியத்துக்கு ஒரு காரணியாக இருப்பதும் பவளப்பாறைகள்தான்.

நூற்றுக்கும் மேலான நாடுகளில் வசித்து வரும், 100 கோடிக்கும் அதிகமான மக்களின் வாழ்வாதாரத்துக்கு மறைமுகமாக உதவி செய்கின்றன இந்தப் பவளப்பாறைகள். தவிர, புயல் போன்ற இயற்கைச் சீற்றத்தையும் தடுக்கின்றன; மருத்துவத்துக்கும் பயன்படுகின்றன.

பருவநிலை மாற்றத்தால் சேதத்துக்கு உள்ளாகும் நாடுகளுக்கு மேலும் பெரிதாக பாதிப்பு ஏற்படாமல் பாதுகாப்பு அரணாக இருப்பதும் பவளப்பாறைகள்தான்.

இத்தகைய சிறப்பு வாய்ந்த பவளப்பாறைகளை மனிதச் செயல்பாடுகள் அழித்து வருகின்றன.