நியூஸிலாந்து பிரதமர் இந்தியா வருகை

நியூஸிலாந்து பிரதமர் கிறிஸ்டோபர் லக்ஸன், பல்வேறு துறை அமைச்சர்களுடன் ஐந்து நாள்கள் அரசுமுறைப் பயணமாக இந்தியாவுக்கு ஞாயிற்றுக்கிழமை வந்தார்.

புது தில்லி, மார்ச் 16:

புது தில்லியில் இரு நாடுகளின் வர்த்தக அமைச்சர்கள் இடையே நடைபெற்ற சந்திப்பில், தடையற்ற வர்த்தக ஒப்பந்தத்துக்கான பேச்சுவார்த்தையை மீண்டும் தொடங்க முடிவு செய்யப்பட்டது.

தலைநகரில் திங்கள்கிழமை தொடங்கும் 'ரைசினா உரையாடல்' மாநாடு உள்பட பல்வேறு நிகழ்ச்சிகளில் பங்கேற்பதற்காக, நியூஸிலாந்து பிரதமர் கிறிஸ்டோபர் லக்ஸன் ஞாயிற்றுக்கிழமை இந்தியாவுக்கு வந்தார். அவருடன், பல்வேறு துறை அமைச்சர்கள், எம்.பி.க்கள், தொழில் துறை தலைவர்கள் கொண்ட மிகப் பெரிய குழுவும் இந்தியாவுக்கு வந்துள்ளது.

புது தில்லி விமான நிலையத்தில் வந்திறங்கிய நியூஸிலாந்து பிரதமரை மத்திய அமைச்சர் எஸ்.பி. சிங் பகேல் முப்படை வீரர்கள் அணிவகுப்புடன் வரவேற்றார்.