நாடாளுமன்ற கூட்டுக்குழு கூட்டத்தில் எதிர்கட்சி எம்.பிக்கள் மீண்டும் மோதல்!

வக்பு வாரிய சட்ட திருத்த மசோதாவை பரிசீலிக்கும் நாடாளுமன்ற கூட்டுக் குழு கூட்டத்தில் மீண்டும் ஆளுங்கட்சி மற்றும் எதிர்கட்சி எம்.பிக்களுக்கிடையே மோதல் ஏற்பட்டது.

மசோதாவை ஏற்றுக்கொள்ள அவசரப்படுத்தக் கூடாது என எதிர்கட்சி எம்.பி.க்கள் கடும் வாக்குவாதத்தில் ஈடுபட்டனர்.

இஸ்லாமியர்கள் இறைப் பணிக்காக வழங்கிய சொத்துக்களை மாநில அரசுகளின் கட்டுப்பாட்டில் உள்ள வக்பு வாரியங்கள் நிர்வகித்து வருகின்றன.

இந்நிலையில், நாடுமுழுவதும் உள்ள வக்பு வாரிய சொத்துக்களை ஒழுங்குபடுத்தவும், சொத்துக்களை நிர்வகிப்பதில் உள்ள சிக்கல்கள் மற்றும் சவால்களைத் தீர்க்கவும் 1995ம் ஆண்டு வக்பு சட்டத்தை திருத்துவதற்காக வக்பு வாரிய சட்ட மசோதாவை மத்திய அரசு கடந்த ஆண்டு கொண்டு வந்தது.