அரசியல் கட்சிகள், இயக்கங்கள் கொடிக்கம்பங்களை அகற்ற வேண்டும்!

மதுரை ஐகோர்ட்டு அதிரடி உத்தரவு!!

பொது இடங்களில் உள்ள அரசியல் கட்சிகள் மற்றும் இயக்கங்களின் கொடிக் கம்பங்களை அகற்ற வேண்டுமென மதுரை ஐகோர்ட்டு கிளை உத்தரவு அதிரடி பிறப்பித்துள்ளது.

மதுரை விளாங்குடியைச் சேர்ந்த அதிமுக பிரமுகர் சித் தன்தாக்கல் செய்த மனுவில் கூறியிருப்பதாவது: "அதிமுகவின் 53 ஆம் ஆண்டு விழாவை முன்னிட்டு விளாங்குடி பகுதியில் உள்ள அதிமுகவின் பழைய கொடிக் கம்பத்தை அகற்றிவிட்டு, புதிய கொடிக் கம்பம் அமைக்க அனுமதி வழங்குமாறு மாநகராட்சி அதிகாரிகளுக்கு உத்தரவிட வேண்டும்" என மனுத்தாக்கல் செய்திருந்தார். இதே போல மதுரை பைபாஸ் ரோடு பேருந்து நிறுத்தம் அருகே போக்குவரத்துக்கு இடையூறு இல்லாத இடத்தில் அதிமுக கட்சி கொடிக் கம்பம் அமைக்க அனுமதிக்கக் கோரி மதுரை மாடக்குளம் பகுதியைச் சேர்ந்த பல மனுக்கள் தாக்கல் செய்யப்பட்டிருந்தன. இந்த மனுக்கள் நீதிபதி இளந்திரையன் முன் ஏற்கனவே விசாரணைக்கு வந்தது.