શિક્ષિત ગુજરાત, દીક્ષિત ગુજરાતઃ ઉચ્ચ શિક્ષણ ક્ષેત્રે ગુજરાત ‘અવલ’

સમગ્ર દેશમાં ગુજરાત આજે ‘એજ્યુકેશનલ હબ’ તરીકે પ્રસ્થાપિત થઈ ચૂક્યું છેઃ વડા પ્રધાન મોદીના સપનાને મુખ્યપ્રધાન ભૂપેન્દ્ર પટેલે આગળ ધપાવ્યું

અમદાવાદ, બુધવાર

શિક્ષણ એ વિકાસનો પાયો છે અને માનવીને શિક્ષણ થકી જ પ્રગતિની નવી દિશા પ્રાપ્ત થાય છે. કોઈ પણ દેશ અને સમાજના સર્વાંગી વિકાસ માટે એક શિક્ષિત સમાજ ખૂબ જ આવશ્યક છે અને એવા સમાજની રચના કરવા માટે છેવાડાના લોકો સુધી શિક્ષણના લાભ પહોંચે તે અત્યંત જરૂરી છે. વડા પ્રધાન નરેન્દ્ર મોદીએ જ્યારે બે દાયકા અગાઉ રાજ્યના મુખ્યપ્રધાન તરીકે શપથ લીધા ત્યારથી જ રાજ્યમાં શિક્ષણની નવતર પરિભાષા વિકસાવી છે.

તત્કાલીન મુખ્યપ્રધાન નરેન્દ્ર મોદીએ પ્રાથમિક શિક્ષણથી ઉચ્ચ-ટેકનિકલ શિક્ષણ પૂરું પાડવા માટે શિક્ષણ યજ્ઞનો પ્રારંભ કરાવ્યો હતો. આજથી ૨૦ વર્ષ પહેલાં એક સમય એવો હતો કે ગુજરાતના યુવાનોએ ધોરણ-૧૦ અને ૧૨ પછી મેડિકલ અને એન્જિનિયરિંગ ક્ષેત્રે અભ્યાસ માટે લાખો રૂપિયા ખર્ચીને બહાર જવું પડતું હતું. આજે સ્થિતિ બદલાઈ ગઈ છે, સમગ્ર ભારતમાં ગુજરાત 'એજ્યુકેશનલ હબ' તરીકે પ્રસ્થાપિત થઈ ગયું છે. ગુજરાતના મુખ્યપ્રધાન નરેન્દ્ર મોદીએ સેવા દાયિત્વ નિભાવ્યું ત્યારથી એમની નેમ હતી કે દેશ અને દુનિયામાં જે શ્રેષ્ઠ છે તે બધું જ ગુજરાતમાં હોવું જોઈએ. ગુજરાતના યુવાનને મેડિકલ, ઈજનેરી, ટેકનિકલ નોલેજ, સોફ્ટ સ્કિલ જ્ઞાન-વિજ્ઞાન ક્ષેત્રે વિશ્વના યુવાનો સાથે કદમથી કદમ અને આંખમાં આંખ મેળવી વાત કરે તેવો સજ્જ બનાવવો છે. વડા પ્રધાન મોદીએ આજથી વર્ષો પહેલાં જ સમયની માગ અનુસાર યુવાનોની પ્રતિભાને યોગ્ય નિખાર આપવા યુનિવર્સિટી એજ્યુકેશનમાં સ્પેશિયલાઇઝેશન, ઈનોવેશન-એક્સલન્સના મોડલરૂપ વિવિધ યુનિવર્સિટીઓ અને ઉચ્ચ શિક્ષણ સંસ્થાઓ દ્વારા ગુજરાતમાં જ્ઞાનશક્તિનો મજબૂત પાયો નાખ્યો છે. રાજ્યના મુખ્યપ્રધાન ભૂપેન્દ્ર પટેલ પણ શિક્ષણને શ્રેષ્ઠ પ્રોત્સાહન આપી રહ્યા છે.

ટેકનિકલ શિક્ષણમાં પણ ગુજરાત બન્યું અવલ